FRINGE|2008 -

Најновиот хит на Џ.Џ. Абрамс, еден од креаторите на Изгубени...


Fringe дебитираше во САД минатата година, на 9. септември на втората најгледана телевизиска мрежа во Америка - Fox. Премиерата била гледана од 9.13 милиони гледачи, а во текот на истата ќе бидат забележани огромни промени во рејтингот кој впрочем се зголемувал од минута во минута. Веќе следната епизода, по добиениот публицитет, ја следеле 13.27 милиони гледачи кои придонеле Fringe да се искачи на одличното петто место по гледаност во текот на таа недела. Како што изминувала сезоната, рејтинзите се менувале со брзина на светлината, а на крајот од истата - финалето ќе добие слична гледаност како и премиерата, привлекувајќи точно 9.2 милиони луѓе само во САД. Со ова и официјално Fringe е прогласена за најуспешната нова серија за сезоната 2008/2009, што се однесува барем до делот со рејтинзи.

Што се однесува пак до критиките, серијата претставува вистински феномен. Еден дел од критичарите не ги штедеа пофалните зборови на новиот проект на Абрамс, додека пак другиот дел од нив постојано укажуваа на фактот дека серијата очигледно има проблем со позајмување на елементи од повеќе претходни и сегашни серии, како на пример:
X-Files - поради чудните теми кои се обработуваат;
Lost - поради мистериите кои се присутни во серијата, како и музиката која е многу слична, а нормално е дека ќе биде таква кога ја изработува истиот човек;
Alias - кој ќе ја гледа ќе сфати зошто, не би сакал со спојлери да почнувам; и
Heroes - серија со која "Fringe" има огромни сличности кога станува збор за визуелните ефекти. Најголем пример е буквално украдената финта со насловот на епизодите кој и во двете серии се открива уште во првите неколку секунди... Еве еден пример од Херои, а еве еден друг од Реса.

Како и да е, едно нешто е јасно - кога ќе почнете да ја гледате "Fringe" ќе сфатите дека серијата е екстремно заразна (некаде на нивото на Изгубени) и дека не ќе можете да се откажете туку-така. Ова е според мене единствената серија покрај Lost за која можете да создавате теории и да дискутирате за истите со вашите другар(к)и.

Доколку сте човек кој обожава мистерии и научна-фантастика, Fringe е вистинската серија за Вас!!!

Премиерата на втората сезона следува на 17. септември годинава, со нов термин, во четврток во 21:00.

Никогаш не сум ја чепнал серијава иако лани го имав еден период пилотот во компјутер симнат, и не пробав да го гледам. Она што ме натера да го гледам е Џ.Џ Абрамс, и Алиас според она гледаното е одлична серија, а не се сомневам дека ќе биде и оваа. Сепак кој знае можеби ова ќе ги видеме кога тогаш кај нас во замена како „Изгубени“ (?).

NateArchibald напиша:

Никогаш не сум ја чепнал серијава иако лани го имав еден период пилотот во компјутер симнат, и не пробав да го гледам. Она што ме натера да го гледам е Џ.Џ Абрамс, и Алиас според она гледаното е одлична серија, а не се сомневам дека ќе биде и оваа. Сепак кој знае можеби ова ќе ги видеме кога тогаш кај нас во замена како „Изгубени“ (?).

Немам се’ уште такви информации, а богами и не верувам некој толку „рано“ да ја откупил серијава кај нас! А за тоа дали ќе следува откако LOST ќе завршат на А1, не знам, и јас тоа си го помислив уште првиот пат кога ја гледав Fringe, па се надевам и на нив истото ќе им текне. =)))

Заслужува серијава да оди на ТВ, доста е квалитетна и покрај тоа што некои се жалат на сличности со повеќе серии.

После мистеријата/драмата и акција во Harper's Island, за неколку минути почнувам да ја гледам оваа серија од креаторот на Изгубени. Поради тоа што првата епизода трае час и 20 минути така да подоцна ќе оставам коментар.

Прва сезона има 20 епизоди, а поради тоа што се откажав од гледање на HOUSE M.D поради екстремниот број на сезони (6), така да се одлучив за ова. Ако ми се допадне и ја изгледам првата сезона за еден месец, ќе си почнам со втора сезона која треба овие недели да започне во САД.

Лостич, ти до каде имаш гледано?

NateArchibald напиша:

Лостич, ти до каде имаш гледано?

Прва сезона цела, ама едвај (само во главни црти) ги памтам епизодите веќе зашто ги гледав во брзање, така што одново ќе ја гледам месецов.

Е па вака поради тоа што вчера објавив дека можеби ја открив новата дрога после Harper's Island, грешев. Ова е доста квалитетна и на високо направена ниво серија, но ниту малку не ме заинтересира со акција, мистерија, драма и возбуда. Едноставно се‘ ми е на некаков напорен начин направено. Приказната е солидна, и би можел да го гледам ова на ТВ, но за да ја изгледам маратонски, дефинитивно не е серија. Колку да не судам само од прва епизода, ја изгледав и втора, која беше за нијанса подобра од прва, ама сепак повторно некако напорно ми делуваше.

Верувам дека е јака и понатаки би била јака, во Џ.Џ Абрамс немам сомнежи... но оставам место ако дојде некогаш на ТВ. А сега ќе си ја догледам Privileged, уште неколку епизоди имам.

Много добар сериал , а доктор е Бишоп е закон.

Ви ги читам коменарите ама сериозно не знам што да правам. Сакам нешто летово да изгледам, а во моментов се двоумам помеѓу ова и The Mentalist. Која иако е крими ми изгледа во моментов попримамлива од оваа. Не можев да најдам ни промо ни ништо бидејќи веќе е помината и втората сезона. Ве молам покрај коментарите горе дали сега по втората сезона серијава заслужува да ја изгледам летово.

Извинете за пост врз пост ама не можам да чекам. Го изгледав пилотот и серијава е одлична. Има умерена доза на се... На СЕ!

Крајот беше шокантен, иако очекував нешто во тој стил да се случи, но сепак беше шокантен. Таа жената со црвената коса што работи за тој Вилијам е презакон, поготово кога ја покажа раката...

Инаку имам пречувство дека тој Вилијам тек во финалето ќе се појави така? Серијава е супер и иако кога почнав да гледам ми беше досадно, после ме привлече. Но покрај се не чувстувам зараза (покрај Лостич каде и да читам сите влеат дека се чувстува зараза).

Но изгледа треба да гледам уште. Мене ми се свиѓа и ќе продолжам да гледам. И само да додадам дека звуците се ТОЛКУ слични со тие од „Изгубени“, се шокирав кога ја имаа онаа музикана кога Изгубените се спремаат да одат некаде, некако надежна што е. И тој црнецот од „Изгубени“ и тука исто толку ми е морничав колку што ми беше во „Изгубени“.

ММм ај ќе ја гледам 1 епизода ако ми се свиѓа па ќе видам дали ќе продолжам да ја гледам.

Изгледани првите две!
Навистина сум позитивно изненаден, бидејки судејки по трејлерот си реков уште една вона би Хироус версус Лост епизода. Но, навистина сум позитивно изненаден.
Во глобала и не сум најголем фан на серии од ваков тип, но мистеријата која ја крие истата и начинот на кој се преплетуваат ликовите, ветува многу.
Оливија Дурам и Питер Бишоп, веќе омилени ликови
Др Бишоп како налудничав Мистер Хајд, лик кој ветува доста понатаму.
Крајот беше навистина шокантен.

Spoiler:

Одличен почеток. Ќе се голта летово.

Јас ќе оставам коментар кога ќе ја завршам прва сезона. Моментално сум на средина, и ветува серијата! Втора сезона била појака, едвај чекам, веднаш почнувам после оваа!

Најпосле публика и на Fringe на форумов. Мило ми е.

Завршена прва сезона. Крајот беше баш шокантен, едвај чекам да видам што ќе се случи во втора сезона која била доста подобра од прва.

Иначе во првава сезона имаше и добри и слаби епизоди во кои преовладуваа досадни експерименти. Но имаше и такви кои навистина не ти дават да трепниш со око додека не се открие на крајот случајот. И да, секоја чест на оригиналноста на ефектите

Се гледаме во август. (јули = True Blood/Veronica Mars)

Ова ти е квалитет ! Не оставив коментар за првата сезона. Значи серијава е на ниво, а не како некои (ај ќе ќутам)! Значи почетокот со сила го гледав признавам (првите 9-10 епизоди) ама се гледаше дека треба да и се даде шанса.

Не зажалив и ја обожавам серијата, сега почнувам со втората сезона, од која очекувам уште повеќе возбуда. Серијата е предобра и колку да не сакам научна фантастика ова е нешто преубаво. На сите ви ја препорачувам...

Морам само да кажам дека ликовите како Нина Шарп ми се секогаш најомилени, и овој пат истото го сметам, жената е неверојатна, штета што многу ретко се појавуваше...

McSteamy напиша:

Не зажалив и ја обожавам серијата, сега почнувам со втората сезона, од која очекувам уште повеќе возбуда. Серијата е предобра и колку да не сакам научна фантастика ова е нешто преубаво. На сите ви ја препорачувам...

И јас ја почнав вчера втора сезона. Премиерата не беше ништо посебно, но втората епизода беше прејака .

Се мислам дали да ја гледам Fringe од септември или да ја изгледам комплетно идното лето, ќе размислам за тоа

Bobi напиша:

Се мислам дали да ја гледам Fringe од септември или да ја изгледам комплетно идното лето, ќе размислам за тоа

И јас се двоумам околу тоа! А знаеш што, можно е да чекам првата половина да заврши и зимата да ја изгледам и после летото - втората половина! Ќе видам, ?

Извинете за пост врз пост. Ама ми треба помош!

Вторава сезона е супер иако бавно ја гледам. Но имам една нејаснотија. Во првата сезона поради низа „необични“ настани се создава одделот Fringe, така? Тие, овие настани ги нарекуваат The Pattern, така. И од епизода до епизода излезе дека ZFT - биотерористичка организација со цел да влезе во паралелниот универзум правела екперименти врз луѓе?

И откако го убија Дејвид Роберт Џоунс, ZFT престанува да постои и The Pattern е разрешен, така? И сега во вторава сезона сфаќам што се случува, за состанокот на Оливија и Бел итн. Ама не ми е јасно од каде продолжуваат да се случуваат вакви настани? Јас заклучуив дека нема причина, и дека поради грешки или експерименти на одредени луѓе се случуваат овие работи, ама толку често да прават грешки и експерименти??? Може некој да ми објасни???

McSteamy напиша:

Извинете за пост врз пост. Ама ми треба помош!

Вторава сезона е супер иако бавно ја гледам. Но имам една нејаснотија. Во првата сезона поради низа „необични“ настани се создава одделот Fringe, така? Тие, овие настани ги нарекуваат The Pattern, така. И од епизода до епизода излезе дека ZFT - биотерористичка организација со цел да влезе во паралелниот универзум правела екперименти врз луѓе?

И откако го убија Дејвид Роберт Џоунс, ZFT престанува да постои и The Pattern е разрешен, така? И сега во вторава сезона сфаќам што се случува, за состанокот на Оливија и Бел итн. Ама не ми е јасно од каде продолжуваат да се случуваат вакви настани? Јас заклучуив дека нема причина, и дека поради грешки или експерименти на одредени луѓе се случуваат овие работи, ама толку често да прават грешки и експерименти??? Може некој да ми објасни???

Па сите тие експерименти се правени од Волтер од алтернативниот свет чија желба е да го врати Питер од нашиот свет, кој всушност го заробил овој Волтер кој и помага во истражувањата. И сега не знам даи си ја гледам целосно втора сезона, но откако Питер ќе замине во другиот свет, Оливија и Волтер ќе заминат во тој свет но Оливија ќе биде заробена повторно од алтернативниот свет но овој пат нема да се врати туку другата Оливија од алтернативниот свет ќе биде пратена во нашиот свет. Јас бев навистина збунет и не ми беше јасно, но низа читања на интернет ми се објаснаа работите.

Едвај чекам 3. сезона, се надевам дека нема да разочара.

Ааааааа! Сеа ми е појасно! Не ја догледав цела вторава сезона! Имам уште едно 10 епизоди. Ама некако не ми се гледа досадно ми стана. ИАКО е каде-каде подобра од првата сезона. Ама слушнав дека една епизода дури не ни имала случај (тоа ме радува)! Плус повеќе Нина Шарп ! Ова со алтернативниот универзум е одлично изведено! Браво, за сценаристите.

Која епизода, човече. Одличен старт на трета сезона, и лека-полека почнуваат да им се објаснуваат работите и подобро да гледам на цела оваа серија. Ми се допадна и менувањето на шпицата во црвена боја, најверојатно тоа значи дека таа епизода повеќе ќе биде концентрирана на алтернативниот свет, или грешам?

Вистинската Оливија е заробена во алтернативниот свет, а Боливија (т.е Оливија од другиот свет) им се појави на крајот на Питер/Волтер во вистинскиот свет. Баш ме интересира како ќе се одвиват работите, и дали тие знаат дека всушност ова е таа? Не ми е јасно баш... ама ајде, ваљда ќе дознаам со текот на времето.

Инаку не знам што им е вистинската цел на тие од алтернативата? Ваљда на Вотлер му е да го земе неговиот син од вистинскиот свет кој бил порано киднапиран од Волтер од вистинскиот свет, но што е целта со Питер? Што тој прави во алтернативниот свет?

Чудно ми е малце. Иван, кога ќе ја гледаш епизодата? Сакам објаснување и твое мислење за стартот.

Уште малку имам од втора, па ќе гледам трета. Инаку знаеш дека една епизода ќе се одвива во алтернативниот, а следната во „нашиот“ и се така. Слушам дека засега е најдобра сезона, од тоа што виделе критичарите (првите 4 епизоди мислам). Едвај чекам...

Maxime напиша:

Уште малку имам од втора, па ќе гледам трета. Инаку знаеш дека една епизода ќе се одвива во алтернативниот, а следната во „нашиот“ и се така. Слушам дека засега е најдобра сезона, од тоа што виделе критичарите (првите 4 епизоди мислам). Едвај чекам...

Па да, ете зошто прочитав ќе се менуваат шпиците. За алтернативниот е црвена боја, за нашиот се враќа плавата боја на шпицата.

Одлична замисла. Мене премиерата ме воодушеви

OMFG! Одличен старт за трета сезона. Ги изгледав првите две епизоди викендов. Се надевам дека ќе стигнам па паралелно да гледам. Одлично е изработена серијата, се гледа дека уште од прва епизода имале отприлика план како ќе се одвиваат работите...

Одлично, немав време па затоа тек сега сигнав до третава но покрај се... Се исплати! Ми требаше време да ја „сварам“ но сега ја обожавам... Добро е тоа што има потенцијал како The X Files која како што знам не била некој хит на почетокот ама после неколку сезони достигнала голема гледаност. Се надевам дека и со Фринџ ќе бидеи исто...