TWIN PEAKS|1990-1991

Ја изгледав цела. Генијална е.

Изгледана прва сезона во два дена.

Ова е засега најчудната, најиспревртената и најморбидната серија која сум ја гледал. Нема конкуренција! Можете да барате милиони и милиони други серии кои обработувале убиства, но ниту една од нив нема да биде ни приближно на нивото на Twin Peaks.

Ми се допаѓа стилот на серијата. Едноставно ве остава без зборови. Нема ниту едно клише во приказната (барем не засега). Нема одолговлекувања. Нема досадни карактери, ниту пак досадни елементи во приказната. Се’ е конектирано и се’ е поврзано со мистеријата на ова градче стационирано близу Вашингтон...

Единствено нешто кое ме нервира се сапуничните елементи во серијата. Ги има во доста голем процент, но дури и во тие мигови, можете да ја почувствувате чудната „енергија“ (МОРБИДНОСТ) на серијата. Всушност, што и да се случи, било да е некоја смешна, или пак прилично сериозна сцена - не постои начин за да го одбегнете чудното чувство дека нешто не е в ред со мештаните и самото место. Таа помисла ќе ве демне в секој миг, па поради тоа напнатоста нема да ве напушти се додека не ја пуштите следната епизода, па потоа таа после неа и така се додека не стигнете до самиот крај...

Прочитав дека втората сезона била доста послаба од првата, но се надевам дека нема да ме разочара премногу. Првата од Twin Peaks дефинитивно ја сместувам меѓу топ петте сезони што сум ги изгледал досега од сите серии!

Изгледан пилотот.
Тотално различна серија од се досега што имам погледнато. Не е споредлива со ниедна стара и со ниедна нова серија, Твин Пикс е дефинитивно уникатна серија поради начинот како е направена и чудната атмосфера која е постојана. Чудните ликови се исто така дел од атмосферата, се среќаваат ликови од нормален шериф и ФБИ агент до бунтовни дечки и пречудна соученичка на убиената, жена инвалид со пореметен син, убиена тинеџерка, глупичка секретарка и мистериозен убиец. Но сето ова е пречудно претставено, што стварно немам коментар.
Серијава е мрачна, напнатоста не е обична како во други филмови и серии, овде навистина се е различно и тоа е причината поради која ми се допадна пилотот. Дефинтиивно продолжувам баш поради тоа што е различна серијата во се.



За тие што не сакаат стари серии, нека не ја гледаат.
За тие што немаат време, нека не гледаат.
За тие што се двоумат, нека го погледаат цел пилот и потоа нека одлучат дали ќе продолжат. Од првите неколку сцени и јас си реков дека ова е преспоро и глупо за мене, но по цел пилот, променив мислење.

Beauty напиша:

За тие што не сакаат стари серии, нека не ја гледаат.
За тие што немаат време, нека не гледаат.
За тие што се двоумат, нека го погледаат цел пилот и потоа нека одлучат дали ќе продолжат. Од првите неколку сцени и јас си реков дека ова е преспоро и глупо за мене, но по цел пилот, променив мислење.

А имам некаква група на луѓе на кои им препорачуваш да ја гледаат?



Ах Дани, наместо да гледаш некоја добра нова американска, ти ова го одбра...

But, it's your choice.

Ако е нова серијата, не значи дека мора да е квалитетна, а ако е стара да не е добра.
За се има време, и за нови и за стари

Првото не го реков, а за второто... немам време, а ни нерви за стари серии!

Серијата е стара и лоша, нема врска што е од 91 г. Напротив сакам стари серии, дури и повеќе од нови, но ова не е за мене. Пред се бидејки не го сакам тој жанр, друго - премрачна ми е атмосферата и некако не ме завлече кога ја даваа на ТВ, иако ја изгледав половина.
Дани, ако ти се допаѓа, супер, коментирај си, ама не заборавај на GG!

Дани без секирации, немаат сите ист вкус. :)
А инаку за муабетот со „стари серии“... порадо би гледал стари и квалитетни отколку нови и бесмислени.

Јас преферирам нови, но квалитетни.

Изгледана прва сезона.
Малку потешка серија за гледање во смисла дека не е за опуштање туку цело време внимателно треба да се гледа па затоа и на моменти знае да биде напорна. Чудна серија со чудни мрачни ликови кои знаат и да те изнервираат затоа што така се однесуваат. Никој од ликовите не покажа среќа и смеа, сите се однесуваат помалку или повеќе ненормално. Многу ликови и уште повеќе измешани врски меѓу сите нив. Ептен замешано
Она што не ми се допадна во серијата е сонот на Купер во кој Лора му го открива името на убиецот и уште некои кодирани пораки. Такви сонови и верување во истите има само во онаа емисијата за сонови на А1
Кој ли ја убил Лора Палмер?
Првата сезона завршува како некој пука во Купер, па претпоставувам дека е убиецот.