MI PRIMA CIELA, RCTV|2007

Мојата роднина Чела - Mi prima Ciela
Земја на потекло: Венецуела
Година: 2007
Епизоди: 152

Мојата роднина Чела е венецуелска серија, римејк на серијата Елизабет од 1980 година, има 152 епизоди, а во Македонија се прикажуваше во утринскиот термин на А1 телевизија. Теленовелата ќе остане запаметена по неверојатната љубовна магија која постоеше меѓу главните ликови, борбата за таа љубов и шокантниот крај во кој Чела умира, не можејќи да победи во борбата со смртоносната болест. Режисери на серијата се Тони Родригез и Луис Падила, по сценарио на Ирадиа Тапиас.
Ова е приказна за три неразделиви братучетки, кои сонуваат да ги остварат своите замислени планови за иднината. Девојчињата растат заедно, но нивните животни судбини ќе се сменат кога ќе влезат во тинејџерските години. Низ сите случки, тие постојано се следени од нивните мајки Хименеза, Иелана, Арминда, но и строгата тетка Есперанца.
Девојките израснуваат во прекрасни млади дами, но секоја си има свој карактер. Грациела, која накратко ја викаат Чела е чувствителна, Силвија посмирена и секогаш внимателна кон новите ситуации, додека Маите е најбунтовната.
Грациела е најмладата во семејството. Таа се вљубува во Давид, локален заводник, чија омилена забава е лажењето на девојките, се додека не ја запознае Грациела и комплетно не се смени заради неа. Токму кога нивната љубов добива на интензитет, Чела ја дознава страшната вистина, има леукемија и мора да замине на лекување, но истовремено ќе ја дознае и вистината за нејзиното потекло, а од тоа ќе зависи и нејзиниот живот. Серијата ја прикажува тешката борба на Видо и Сиела против болеста, а во последната епизода, Сиела умира, оставајќи ја целата фамилија уништена ов големата загуба, а најмногу нејизниот Видо, кој останува да се грижи за нивните две деца, малите Видито и Сиелита.
Силвија е темпераментна девојка, посветена на спортот и со единствен сон, да замине на Олимпијадата. Неуморно тренира, води здрав живот и се вљубува во момчето Рафаел, кое има само една маана. Тој е поранешен криминалец кој е пуштен поради доброто однесување. Желбата на Силвија да замине на Олимпијадата ќе ја уништи неочекувана бременост.Маите е најстарата и најбунтовната од сите, а единствената страст и е музиката. Свири на пијано и сака да стане успешен музичар како и нејзиниот татко. Нејзината мајка не се согласува таа да стане пијанист и на секој можпеарен начин настојува да ја одврати од школувањето на Музичката академија. Таа е вљубена во Абел, музичар, но нивната љубов ќе наиде на многу професионални препреки.
Улоги: Моника Спеар, Мануел Соса, Флавиа Глеске, Херонимо Гил, Гиљермо Перез, Ракел Јањез