Коментари за вебновелата "Друга"

Веќе неколку месеци ја пишувам оваа новела и решив да ја споделам со вас. Како за почеток ќе ставам по едно продолжение неделно, значи секоја недела, па ако ви се допадне и ако истата доживее успех ќе ставам и по 2 во недела. Се надевам дека ќе и дадете шанса и дека ќе бидете добри критичари, бидејки тоа би ми значело многу. Сакам да бидете објективни и ако нешто не ви се допаѓа да пишете во темата, и не сакам постови од типот "супер е ајде нова епизода стави" бидејки така ќе знам дека не сте ја ни прочитале.
Како што напоменав, веќе со месеци ја пишувам новелава, стигнав до 26 епизода. Дејствието е поделено на две етапи, едната пред првата светска војна, а втората пред втората светска војна, за време на големата светска криза. Не знам зошто но таа етапа ме фасцинира и чинам дека има доста да се пише за истата. Драмата е сместена во Бразил, на еден ранч, во Сао Паоло за подоцна дејствието да се префрли во Шпанија.
За името размислував многу, првобитниот наслов беше Друга жена, но истото премногу ме асоцираше на друга жена како љубовница (а тоа дефинитивно не ми беше замислата), за потоа да ја преименувам во Наследничка, за на крај финалниот наслов да остане A OUTRA/ДРУГА. Иако веќе постои мексиканска теленовела со тој наслов, ова нема никаква врска со споменатата серија.
Се надевам ќе уживате и ќе коментираме заедно сезонава.
Ако има посетеност секако дека тоа ќе ми биде мотивација плус да ја допишам и да ја објавам.

Зашто да не би имала посетеност и читаност? По укинувањето на Другата страна на животот, желна сум за повторна веб новела. Може да се случи 2 епизоди одеднаш да читам, затоа не се чуди.
Инаку кажи ми, концептот на пишување каков е, само со дијалози, или нешто слично како Другата страна на животот и таа со Евреите?
Може да ги посетиш тие две новели да видиш какви коментари има, па да знаеш дека ист таков критички осврт би можел да очекуваш и тука. Јас, Боби сме сигурни, мислам дека и Ана Марија ги чита новеливе, така да верувај доволно се, затоа што минатите две на Боби само јас ги читав, а беа совршени.
Што се однесува до серијата, ќе видиме каква е, што е содржината и слично. и се допаѓа изборот на актери, изгледа си бил инспириран од Чоколадо со бибер + омилените бразилски актери.

Да може да се каже дека инспирацијата за актерите ми беше од Chocolate com Pimenta, но не и дејствието бидејки ова го пишувам од пролетта негде, а Чоколадо ја гледав летово. Прво за главни актери ги сметав Ана Паула Аросио и Фабио Асунсао, но на крај ги сменив во овие.
Еве сега ќе ја ставам првата епизода, па ќе видиш каков е стилот. Се надевам ќе ви се допадне.

Интересен стил на пишување, што имаше македонски во средно? И ти си ги правиш тие логоа, пример тоа текстот на сликата?
Инаку една мала молбичка - гледав сега како е напишана таа другата Белези на минатото и не ми се допаѓа баш, затоа што цел текст е некако поделен, ставен во средина, споени се дијалозите. Затоа повеќе преферирам стил како што беа другиве две новели од Боби преведувани, али ај ќе видиме каква епизодата ќе биде, пилот епизодата

Секогаш бев миленик на професорките во срдено и на факс. Уште во основно издавав кратки раскази во Наш свет, а во средно напишав драма која професорката им ја даде на другите како дело Пишувам од многу мал, така да мислам дека си имам оформено некој сопствен стил, кој не е комплициран за читање.
И да сам ги правам логата на сликите.