TE VOY A ENSENAR A QUERER, Telemundo, RTI|2004

Научи ме да сакам е романтична колумбиска теленовела која го раскажува животот за татко и син кои се вљубуваат во иста жена. Оваа теленовела со својот шарм освои многу гледачи низ целиот свет. Серијата премиерно со прикажување во САД започнала во 2004 година, а по неколку месеци, веднаш се појавила и на интернационалниот пазар.
Кај нас, серијата се емитуваше на А1 телевизија. И покрај терминот од 09:00, постигна голема популарност и гледаност. Во тој период, беше најгледаната теленовела со гледаност до 37,5%.
Серијата е снимена во 2004-та година по сценарио на Даго Гарсија, а режијата е на Маурисио Круз и Аугустин Рестрепо. Насловната нумера на серијата ја пее Химена Ангел.





Научи ме да сакам - Te voy a ensegnar a querer
Земја на потекло: Колумбија
Година: 2004
Епизоди: 130


Алехандро Мендез е успешен бизнисмен, оженет со Изабела, сопруга што ја обожува и со која има две возрасни деца Пабло и Хелена. Негово хоби е одгледување на бикови на фарма, кои потоа ги продава на коридата.Неговиот бизнис е во центарот на Мексико, но таму постојано се среќава со луѓе кои на секој начин настојуваат да ги превземат акциите од неговата компанија и да му ја земат.Животот на Алехандро драстично ќе се промени, кога неговата сакана сопруга ќе почине. Заминувањето на Изабела го фрла во тешка депресија, почнува да пие, го губи интересот за работата и фармата, а тоа најмногу го користат неговите довчерашни пријатели за да му завртат грб и да се здружат со оние кои сакаат да ја земат компанијата.Од ваквата состојба, Алехандро ќе го извлече познанството со убавата Дијана, која работи како ветеринар.Дијана го запознава Пабло, синот на Алехандро, кој и нуди да работи на фармата и да се грижи за животните. Пабло е опседнат со Дијана и ќе најстојува на сите можни начини да ја освои, но голема мака ќе му зададе сознанието дека неговиот татко е исто така вљубен во убавата ветеринарка.Нивните меѓусебни конфротации ќе добијат загрижувачки размери, а кога фармата запаѓа во криза, Дијана е личноста која најмногу ќе му помогне на Алехандро да не го загуби имотот.Но, нивната љубов ќе наиде на омраза од Пабло, кој ќе посегне и по сопствениот живот, само за да го привлече вниманието на Дијана, па Алехандро ќе се откаже од желбата повторно да сака во корист на синот.Милисијадес е најголемиот конкурент на Алехандро во бизнисот. Тој е суров човек, кој никогаш не ги покажува чувствата, добро го крие своето минато и единствена цел му да ја земе фармата на Алехандро и тој да биде главен во бизнисот со коридата.Негов соработник во сплетките му е младата Дебора, со чија мајка Руфина, Милисијадес имал љубовна врска во минатото. Дебора ја интересира Алехандро како иден сопруг и можност во иднината да го елиминира и да му го земе богатството.Таа е префидна лажливка, верува во сопствените лаги и за да му се доближи на Алехадро, се мажи за неговиот партнер Феликс, но потајно се гледа со љубовникот Луис Карлос. Во ова, ја подржува и нејзината мајка, но не и татко и Пабло, кој пред многу години работел со Алехандро и добро знае дека никоја жена да го завземе местото во неговото срце освен Изабела. Но, со подршката кон Алехандро, тој ќе го навлече бесот на Луис Карлос и Дебора, кои ќе се потрудат да го сместат во затвор. Голема мака на Алехандро ќе му зададе и неговата ќерка Хелена, која сака да раководи со фармата, но најголем проблем ќе и биде момчето Салвадор, кој работи на фармата и кого секаде го гледа.

Улоги Дана Гарсија, Мигел Варони, Мајкл Браун, Катерин Сиачокуе, Хорхе Као, Мартин Карпан, Ана Лусија Домингез