Кино проекции

Најновиот психолошки трилер од Мартин Скорсезе со ѕвездата Леонардо ДиКаприо во главна улога!

„Островот Шутер“ (Shutter Island)

од утре (26.02.2010) во Кино Рамстор.
Проекциите се во: 16:00 , 19:00 и 22:00 часот.

НАСКОРО ВО КИНО РАМСТОР




и..!

Од денеска во скопските кина!

ЖЕЛЕЗЕН ЧОВЕК 2
Iron Man 2
КИНО РАМСТОР - 15:00; 17:30; 20:00; 22:00



ЛОВЕЦ НА УЦЕНИ
The Bounty Hunter
КИНО МИЛЕНИУМ - 11:00, 13:30, 18:00, 20:30, 22:30 ч.

Во петок, 7 мај од 20.30 часот во Кино Миелениум ќе се одржи премиерата на апсолутниот победник на овогодинешното доделување на Оскарите, филмското остварување „Шкафче на болката“ (“THE HURT LOCKER”), на режисерката Кетрин Бигелоу

Според повеќето фимски критичари „Шкафче на болката“ е првиот високобуџетен холивудски филм кој на реалистичен начин ја прикажува војната во Ирак, и е еден од најдобрите воени филмови во последната деценија.

Снимен на автентични локации на Блискиот Исток, со камера „од рака“ и брза монтажа, филмот прецизно ја отсликува тензијата и паранојата на војната во Ирак. Овие квалитети знаеше да ги препознае и соодветно вреднува и американсата филмска академија.

Во директна конкуренција со најгледаниот филм оваа година, „Аватар“ на нејзиниот поранешен сопруг, режисерот Џејмс Камерон, Кетрин Бигелоу ги понесе речиси сите позначајни награди на говоодинешното доделување на Оскарите, добивајќи го епитетот - филм на годината.

Филмот доби и награда за најдобро автентично сценариот од Американското здружение на филмски критичари и сценаристи.

Од петок (18 јуни) во Кино Рамстор.

од режисерот на „Гладијатор“ и „Небесно кралство“ доаѓа историскиот спектакл за:

"ROBIN HOOD"



Оскаровецот Расел Кроу ја глуми вистинската легенда во новиот авантуристички историски спектакл на режисерот Ридли Скот - Робин Худ. Во 13ти век во Англија, Робин и неговата банда се потпираат на корупцијата во околното село и креваат побуни против Круната која засекогаш ќе го промени светот. Без разлика дали се мислио за него како за крадец или јунак, тој човек ќе стане вечен симбол за борбата за слободата на сите луѓе.

Премиери во Кино Милениум, 16 јули!



„Убијци” е најновото остварување на Роберт Лукетиќ (австралиски режисер со хрватско потекло, познат по филмовите „Легална русокоса” и „21“).

Станува збор за акциона комедија во која главните улоги ги толкуваат Ештон Качер, Кетрин Хејгл (од серијата „Вовед во анатомија”) и Том Селек.

Приказната започнува од моментот кога Џен Корнфлет (Кетрин Хејгл) заедно со родителите (Том Селек и Кетрин О’Хара), заминува на семеен одмор, со цел да закрепне од трауматичниот крај на љубовната врска.

Таму, го запознава привлечниот Спенсер Ејмс (Ештон Качер). Двајцата веднаш се зближуваат и набрзо се венчаваат. Навидум совршениот брак на Џен и на Спенсер се претвора во ноќен кошмар кога Спенсер, поради тајните од минатото го прогонуваат платени убијци.



Дерек Томпсон е „Тут Фери“, наострен хокеј играч чиј прекар доаѓа од неговата навика да им ги крши забите на противниците. Кога Дерек ќе ги уништи надежите на младите, тој ќе биде испратен на еднонеделна макотрпна работа.

Со крилја и магично стапче, тој ќе треба да ја работи работата на вистинската Вила на млечните запчиња. На почетокот, воопшто не му оди од рака, постојано се спрепнува во обидот да избега од туѓите домови... она, што многу лесно го прави самата Вила. Но, како што Дерек се привикнува на неговата работа, така почнува да си ги разоткрива своите подзаборавени сни.

Билетите за проекциите можат да се купат на касата на Кино Милениум, секој ден од 10:30 до 22:30 ч., по цена од 100 денари.

од 30 јули во Кино Милениум:



Режија: Денис Дуган
Улоги: Адам Сендлер, Кевин Џејмс, Крис Рок, Роб Шнајдер, Селма Хаек

Кратка содржина:
„Возрасните” е најновото филмско остварување на Адам Сендлер, кој покрај што ја толкува една од главните улоги во филмот е и косценарист. Ако се додаде дека режисер е Денис Дуган, „виновникот“ за една од најурнебесните и најоткачени комедии од последната филмска деценија („Не задевајте се со Зохан”), јасно е дека „Возразните” е една од најочекуваните холивудски комедии за ова лето. Во филмот, настапуваат и: Кевин Џејмс, Крис Рок, Роб Шнајдер и Дејвид Спеид. Приказната е за петмина пријатели кои се поранешни тимски другари. Тие повторно се обединуваат по смртта на нивниот кошаркарски тренер. Заедно со нивните сопруги (Селма Хаек, Марија Бело, Маја Рудолф) како и нивните дечиња, тие, заедно го минуваат викендот за Денот на независноста, 4-ти јули, во викенд куќа крај езеро и прославувајќи ги победите во минатото. Продолжувајќи онаму каде застанале, тие ќе откријат дека стареењето не значи и созревање.

https://www.youtube.com/watch?v=OZB44Ea1A0k&feature=player_embedded

од 13 август во Кино Милениум:



Платеници
Тhе Еxpendables

Режија: Силвестер Сталоне
Улоги:Силвестер Сталоне, Џет Ли, Долф Лундгрен, Ерик Робертс, Мики Рурк, Брус Вилис, Арнолд Шварценегер, Дени Трејо

Кратка содржина:
„Платеници“ е еден од најочекуваните акциони филмови во последните десетина години. Филмот е своевиден омаж на акционите филмови од 80-ти години („Рамбо”, „Терминатор”, „Командос”...). Во филмот е собрана неверојатна актерска екипа,: Силвестер Сталоне, Џет Ли, Долф Лундгрен, Ерик Робертс, Мики Рурк, Брус Вилис, Арнолд Шварценегер, Дени Трејо. Силвестер Сталоне освен како актер се потпишува и како сценарист и режисер на филмот. Целата еуфорија околу филмот е подгреана со неколку несреќи кои го пратеа неговото снимање (смрта на Британи Марфи, која имаше споредна улога во филмот и тешката повреда на вратот на Сталоне при снимање на една од бруталните сцени на борба во филмот). Група на платеници се собира и заминува во Јужна Америка каде во една самоубиствена мисија ќе се обидат да го симнат од власт озлогласениот диктатор на една мала банална држава.

наскоро...



Невини лаги
Knight and day

Режија: Џејмс Менголд
Улоги: Том Круз, Камерон Дијаз, Питер Саргард

Кратка содржина:
„Невини лаги“ е најновото остварување на Џејмс Менголд (James Mangold), според филмската критика „припадникот на надоаѓачките нови сили на Холивуд“, кој зад себе веќе ги има реализирано: „3:10 за Јума” (3:10 to Yuma) , „Чекорење по ивицата” (Walk the line), „Неприлагодена“ (Girl, interrupted)... Во „Невини Лаги“, повторно заедно се импресивниот актерски тандем Том Круз и Камерон Дијаз, кои остварија импресивни улоги во веќе култниот филм од 2001, „Небо од ванила” (Vanila Sky). Во таа смисла, филмот е еден од најисчекуваните хитови ова лето во очекување, дали Том Круз и Камерон Дијаз ќе го повторат успехот на нивниот последен заеднички филм. Во фокусот на случувањето е осамена жена, (Камерон Дијаз), на која еден навидум незначаен „состанок на слепо“, неочекувано го испревртува сиот дотогашен живот и секојдневие, кога тајниот агент, (Том Круз), ќе ја поведе во дива и возбудлива авантура, како би ја сочувал моќната батерија во која е содржан клучот на неограничениот извор на енергија. Нејзиниот живот дополнително се усложнува со фактот дека нејзината сестра се мажи, а таа мора да го заземе местото на нивниот починат татко и да ја испрати до олтарот.

од 27 август:

"Knight and Day"
"The Expendables"

наскоро:

И по 2 месеци чекање... КОНЕЧНО ДОЧЕКАВМЕ..

"Inception" од утре во КИНО РАМСТОР.

Од утре во кината во "Рамстор" почнува да се прикажува најинтригнатниот спектакл во оваа година, акциониот научнофантастичен трилер "Почеток" (Inception) на Кристофер Нолан, кој го напиша, го продуцираше и го режираше филмот, а главната улога му ја довери на Леонардо ди Каприо. Игра импресивна актерска екипа, сочинета од Кен Ватанабе, Елен Пејџ и Том Беринџер, како и добитниците на Оскар Марион Котијар и Мајкл Кејн.



"Почеток" е трилер, драма со научнофантастични примеси, произведен во копродукција помеѓу САД и Велика Британија.

Леонардо ди Каприо е Дом Коб, човекот што има голема моќ во манипулирање со соништата. Благодарејќи и на оваа фантастична способност, Коб станува исклучително баран од моќните корпорации кои ги користат неговите единствени вештини за да ја надмудрат конкуренцијата и да дојдат до вредни информации. Сепак, неговата најнова задача е поинаква од сe што претходно работел.

Има над 500 кадри со визуелни ефекти. Продуцентите "Ворнер Брос" го убедувале Нолан да го работи филмот во ЗД, но тој одбил, тврдејќи оти "ќе се изгуби раскажувачкиот ефект на 'Почеток'".
Кристофер Нолан, по завршувањето на филмот, изјавил дека му бил најнапорниот проект во кариерата.
Премиерата беше на 16 јули во САД, а во првиот викенд заработи 62.785. 337 долари. Буџетот му изнесуваше околу 160.000.000 долари.

Премиерата на првиот од двата последни филма за волшебникот Хари Потер во Скопје ќе се случи следната недела, на 19 ноември, денот кога овој проект ќе почне да се прикажува во светски рамки - во Велика Британија публиката ќе може да го гледа од денеска, додека во Северна Америка од понеделник

Се ближи крајот на филмскиот хит-серијал за младиот волшебник Хари Потер, а првото од двете последни поглавја од оваа приказна нашата публика ќе може да го гледа од следниот петок, ни потврди „Манаки филм“, дистрибутерот на остварувањето во Македонија. Свечената премиера на „Хари Потер и реликвиите на смртта“ во Велика Британија е денеска, во Лондон, а во САД, во Њујорк, е закажана за понеделник.

Во Скопје, пак, како што ни изјавија од „Манаки филм“, проекциите ќе се случуваат во киносалите во Трговскиот центар „Рамстор“. Почетокот на прикажувањето во Македонија се совпаѓа и со дистрибуцијата на насловот во останатите држави во светот. Во САД најпосетуваниот интернет-портал за набавка на киновлезници, „Фанданго“, објави дека околу 500 термини за прикажување на филмот веќе се распродадени, иако публиката ќе може да го гледа од следната недела.

Освен за Џ. К. Роулинг, авторката на популарните книги според кои е снимен филмот, ликот на Хари Потер се покажа извонредно исплатлив и за Холивуд, поточно за студиото „Ворнер брос“. Само од влезници шесте филма од 2001 година до денес имаа приход од 5,4 милијарди долари. Аналитичарите наведуваат дека сумата многу се зголемува ако во неа се вклучат сите играчки, облека, видеоигри и другата трговска стока што го носи логото на славниот серијал.

- Над сиве овие ноемврски филмови е почетокот на крајот на серијалот за Хари Потер, што несомнено ќе поттикне продажба на масивен број киновлезници - изјави за Ројтерс Реј Суберс од интернет-страницата „Боксофис моџо“, која ја следи гледаноста на филмовите.

Суберс открива дека повеќе од 57 проценти од испитаните посетители на нивната страница потврдиле дека „Хари Потер и реликвиите на смртта“ е филмот што најмногу го исчекуваат во ноември. Вториот дел на последното долгометражно остварување публиката ќе може да го гледа во јули следната година. Освен во стандарден 2Д-формат, се очекува да биде прикажувано и во 3Д-варијанта.

Филмскиот трејлер, дел од огромната маркетинг-кампања што трае веќе неколку недели, наведува дека приказната ќе изобилува со спектакуларни акциони сцени, мрачен заплет и односот меѓу двата централни машки лика, Хари (Даниел Ретклиф) и Рон (Руперт Гринт). Третиот носечки лик во сторијата е Хермиона, одиграна од Ема Вотсон. Овие млади актери изминатава деценија ги играа истите ликови и од неодамна го шетаат светот и даваат интервјуа за серијалот. Сите ги искажаа своите измешани чувства во врска со проектот што бргу ги претвори во ѕвезди од првиот холивудски ешалон и во милионери.

Вотсон за „Вог“ откри дека кога имала 17 или 18 години се шокирала кога дознала колку заработила. Се проценува дека таа сега има околу 23 милиони евра на својата сметка. Даниел Ретклиф, пак, кој сега има 21 година, веројатно „тежи“ околу 46 милиони евра. Во интервју за „Сандеј тајмс“ тој изјави дека филмовите за Хари Потер се „како да си во мафијата, ако еднаш станеш дел од неа, нема излез“.