ALICE IN WONDERLAND | 2010

Премиера: 05.03.2010
Режија: Тим Бартон

Од Волт Дизни и ексцентричниот режисер Тим Бартон, доаѓа новата 3Д фантазија/авантура, направена според една од најсаканите детски романи на сите времиња Алиса во земјата на чудата. Џони Деп го игра лудиот Шеширџија, а Миа Васиковска ја игра 19-годишната Алиса која се враќа во необичниот свет кој го открила како малечка, и каде што повторно ќе се сретне со своите пријатели од детството: Белиот Зајак, Твиди и Твидамом, Гасеницата, Мачката. Алиса се впушта во бајковитиот свет, со цел да ја пронајде својата судбина и да ја уништи Црвената кралица.

НАСКОРО ВО КИНО РАМСТОР!

АЛИСА ги освојува 3Д кината!

'Алиса во земјата на чудата' во американските и светските кина постигна чудесни рекорди! Филмот има најдобро викенд отварање за еден 3Д филм, и со 116 милиони долари го надмина отварањето на 3Д премиерата на 'Аватар', кој по првиот викенд оствари "само" 77 милиони долари. Алиса во текот на тр дена заработи повеќе од било која заработка од било кој филм од 2010та, а има и најдобри викенд резултати во IMAX. Бајката на Бартон е на листата на најуспешни премиери, а рекордот уште го држи "The Dark Knight" кој во својот викенд освои 158 милиони долари.

Истовремено, Алиса ги зема гледачите на Аватар, бидејќи нема доволно сали за 3Д проекција па така се намалува и бројот на проекции на Аватар. Истражувањата покажуваат дека 39% од гледачите се деца и нивните родители, а преку половина од гледачите се жени и тоа помлади од 25 години. Причината е затоа што некои од кино ланците спомнуваа бојкот кон Дизни, најмногу затоа што Дизни порано го најавил ДВД изданието на Алиса, поради што кино сопствениците полуделе.

ОД ВИКЕНДОВ ВО КИНАТА ВО "РАМСТОР"

Игра "Алиса во земјата на чудата" на Тим Бартон

Кино Рамстор
14:00 16:00 , 18:00 и 22:00 часот



Една недела по светската премиера на најновата фантастична бајка на Тим Бартон "Алиса во земјата на чудата", од викендов ќе почне да се прикажува во киното во "Рамстор". Новиот холивудски хит првиот викенд заработи рекордни 210 милиони долари, што е близу до сумата на "Аватар". Во волшебната и инспиративна приказна, една од најомилените бајки на сите времиња играат, Џони Деп ја игра улогата на Лудиот Шапкар, и Миа Васиковска улогата на Алиса. Во актерската екипа на оваа филмска авантура за целото семејство се и Хелена Бонам Картер, Ен Хатавеј, Алан Рикман, Мат Лукас, Мајкл Шин, Криспин Гловер, Луси Девенпорт.

Екстравагантната приказна во оваа верзија трае108 минути, и на бајковит начин раскажува за познатата русокоса девојка во сино, во имагинарната земја во која ја води Белиот Зајак.
Во фантазијата на Бартон Алиса не е мало палаво девојче туку полнолетна, 19 годишна девојка која, по смртта на нејзиниот татко, за жена ја бара Лордот Хамиш Аскот. На забавата вниманието на младата убава жена е привлечено од добро познатиот Бел Зајак и, следејќи го низ лавиринтот, Алиса паѓа во зајачката дупка во Земјата на чудата, во подземниот свет каде што сè е можно - метаморфози, халуцинации и, најмногу од сè, урнебесни закачки. Дистрибутер за Македонија е "Манаки филм".