EL CLON, Telemundo, RTI, RedeGlobo|2010

Клон - El Clon
Период на емитување: 15 февруари 2010 - во емитување
Број на епизоди: 130 (планирани)
Земја на потекло: САД

Синопсис:

Заради неочекуваната смрт на нејзината мајка од САД, Хаде се враќа во Мароко, да живее кај нејзиното семејство од страната на мајка си, без да претпоставува дека таму ќе го открие мажот кој е определен за нејзината судбина како единствена љубов. Таа се чувствува принудена да навлезе во една муслиманска култура, која на нејзина возраст е тотално непозната. Благодарение на својот талент за танцување, се појавува господарот на нејзиното срце, и се вљубува во прв поглед. Убавината на Хаде и нејзините посебни движења го полудуваат Лукас, кој од љубопитство влегува во куќата на нејзиниот чичко Али - заштитник на муслиманските традиции. Нејзиниот чичко станува непријател број еден за љубовта помеѓу Хаде и Лукас. Тој не може да дозволи еден непознат странец да ги руши правилата на Куранот, па затоа Али за своите внуки веќе им наоѓа сопрузи, браќата Саид и Мухамед.

Лукас живее во лускуз и удобност благодарение на неговиот татко Леонардо Ферер, сосптвеник на голема корпоративна компанија. Тој сонува да стане музичар, додека неговото семејство се обидува да го убеди да се заинтересира за бизнисот. Но, за разлика од него, неговиот брат близнак Диего е веќе кандидат за наследник на империјата на Леонардо, и секако подготвен е да се бори дури со неговиот татко заради една жена. За несреќа на Леонардо, Диего умира во несреќа, додека оди на посета кај својата свршеница Мариса, ситуација, која станува пречка за една љубов. Исполнет со болка, Лукас ја погребува својата љубов кон Хаде, која се чувствува принудена, и од срам да го скрие својот грев се мажи за Саид.

Лукас и Хаде се разделуваат за прв пат и таа разделба изгледа како последна. Тој го зазема местото на својот брат во компанијата, како и неговата свршеница Мариса. Допуштените грешки не стават крај на оваа приказна. При секоја средба на Лукас и Хаде нивната љубов се разгорува, се додека не се појават две деца, кои повторно ќе ги разделат и ќе ги принудат да продолжат по свој пат. За тоа време, во Мајами, научникот Августо Алберти, потиштен од смртта на своето кумче Диего, тајно го клонира Лукас, и станува дел од мистичната љубов помеѓу Хаде и Лукас, за да може да учевствува во митска легенда, напишана од судбината.