PEPPER DENNIS|2006

ПЕПЕР ДЕНИС е американска драма комедија, која се фокусира на младата, убава и способна Пепер Денис, репортерка на вечерните вести, кои се емитуваат на чикашката телевизиска станица WEiE. Серијата започна да се прикажува на WB на 4 април 2006 година, но набрзо беше укината и заврши на 4 јули истата година. Кај нас можете да ја гледате на Фокс Лајф.

1 сезона: 13 еп.

Кратка содржина:

Пепер Денис е способна и амбициозна репортерка на вечерните вести. Кога конечно ќе и се укаже прилика да стане уредник и водител на главните информативни емисии, таа се надева на унапредување. Но, работата ја добива Чарли Бабкок, со кого Пепер претходната ноќ завршила во кревет, додека таа мора да се задоволи со местото на негов асистент и повремена замена. Се чини дека ова и е најтешка задача досега, затоа што мора да ја скрие својата професионална љубомора, но и привлечноста кон Чарли. Без оглед на тоа што Чарли и ги расипа плановите, таа не се откажува од желбата еден ден да има своја емисија, па ќе стори се за да направи добра приказна. Нејзина најдобра пријателка е Кими, шминкерката во телевизијата, а најголема помош и е Чик, камерманот, кој е тајно заљубен во неа. Пепер живее со нејзината размазена сестра, Кети, која се доселува кај неа по разводот и почнува да работи како секретарка во телевизијата.

Улоги: Ребека Ромијн, Џош Хопкинс, Линдзи Прајс, Рајдер Стронг, Брук Барнс...