ТВ Додворување (колумни)

Тв Додворување 6


Турција...Земјата
во која зајдисонцето е со црвена боја,земјата во која можеш да ја допреш
месечевата светлина,земјата на бескрајни песочни плажи каде што си играат боите,каде под секое
камче има приказна, каде сонцето танцува на облаците, земјата каде во далечината немирното море
си игра со ѕвездите, земјата со возвишена убавина која исполнува, земјата каде што се
мешаат минатото и сегашноста. Турција....Земјата на црниот чај, турското кафе, бурекот,
погачите, пилавот, ѓозлемето, ќофтињата, ќебапите, кадаифот, реванијата, алвата, баклавата...Турција...Долината на волците,
земјата на Шехерезад и Ѓумуш,Јагиз и
семејството Ортачли, земјата на Мехмет и Нермин,земјата на Али Риза и
Хајрије,земјата на мегапопуларните серии
испреплетени со љубовни приказни...Во Турција, кармин на чашата со џин, седнати
под една ѕвезда,опиени еден од друг,ја и
Катица, недозволиво среќни. Прв бакнеж, ерупција од чуства, магични допири ...И
токму таа, најдоброто газе во околината, ми беше денеска на гости... За моја
среќа, имавме безвременско повторување на турските серии...Репризи, милион. Катица ги обожаваше.Но,
некој се сетил да ја уништи нашата кратка романса. Надсинхронизација...


- Баба ми не може
да престане да се восхитува, на тоа колку добро Турците зборат македонски, Катице- се
трудев да ја насмеам, бидејќи беше видно разочарана.


- Непрофесинално,
повеќе од смешно, на моменти патетично, недостојно, бесмислено- почна Катица.


- Кате, ова е
сквернавење, сакатење на уметноста- се трудев да бидам во тек со нејзините
мисли, ако турските серии можат да се наречат уметност си помислив.


- Ко музеј на
восочни фигури да гледам, продолжи Катица во транс, не обрнувајќи ми внимание. Деформирање на
сликата што ја имав за Турција. Лажна проекција,диаметрално спротивно од
вистинската акција што ја има во филмовите, почна да го повишува гласот Катица.


- Револуцијата
почна – гласно размислував, но мојата Мишел Родригез беше премногу гневна на А1
за да ми обрне внимание.


- Кастрација на
автентичноста, лоши архитекти на идеи се овие од А1, продолжи Катица видно
изреволтирана од надсинхронизацијата.


- Колку е само
слатка кога е гневна, си мислев и потврдно климав со главата на секој нејзин
изустен збор.


- Некои наши
големи актерски имиња се губат во просечноста со уличарски и жаргонски изрази- коментираше Катица, а
богами имаше и инспирација за тоа. Оваа приказна што ја почна А1 ја уништува
нивната големина. Па кога се трудат да ми доловат плач, крик, бес, некои
срцепарателни сцени се толку патетични што... – не можеше да доврши Катица,
гледајќи ме директно у очи барајќи разбирање.


- Така е Кате, се обидов да и парирам, ама ова
го прават само заради пари. Не верувам дека некои од нашите актери сонувал на
академија за надсинхронизација. А1 телевизија само финасиски им пополнува некој празнини. Нема љубов, само
бизнис.


- Нашите актери
се за во театар, за на филм, таму се Големи- ми реплицираше Катица незадоволна
од мојот одговор...А впрочем А1 телевизија ќе го постигнеше истиот ефект, и
можеби многу поголем ако тие пари ги
вложеше да сними некоја нова македонска серија, филм можеби, каде нашите актери
би можеле да дојдат до израз со својата големина, величественост...


- А не да откупува
ефтини сапуници, па и уште се осмелуваат да ги репризираат по милион пати- побрзав да ја
прекинам.


- Знаеш, се обиде
да го проголта Катица тоа ефтини сапуници, еднаш кога се враќав од град еден
таксист ми беше дал прекрасна идеја. А1 телевизија да отвори радио станица на
која по цел ден ќе емитуваат надсинхронизирани турски , не дај боже американски,
англиски серии кои ќе им прават друштво
во долгите ноќи и монотоните
секојдневија на таксистите- сепак успеа накрај да се насмее Катица.


Сините очиња пак
ме осветлија...Нејзината насмевка блескаше во собата , нејзиното лице се смени.
Разоружан од нејзината едноставна убавина, сакајќи тој момент подолго да трае,
побрзав да го сменам каналот.

Одлично, ова е можеби најдобрата колумна досега од тебе, според мојот вкус. Утре ќе ја објавам, артиклите кои се објавија денеска на сајтот чекаа на ред уште од вчера, така да колумнава од утре.

Мило ми е што ти се допадна....Одамна вриеше ова во мене да биде напишано

А и оддамна те немаше, читателите се жедни за една ваква колумна.

Читај коментар:


ajde da vidime dali sitel ke moze edna serija da sinhronizira!!!!!!

pa posle vie katiciiiiiii zboruvajte kolku ke sakate




igorao85, простата маса и тебе те поврза со Сител телевизија без никаква причина. Добредојде во клубот.

Така е кога не можат реално да ги согледаат работите...Гревчиња

Ако е бал, нека биде маскенбал...Еве уште една колумна за А1 телевизија....Ако ме етикетираат барем да имаат причина за тоа....Тв Додворување 7

Тв Додворување 7
Придушено светло, Ваја Кон Диос и црвено вино... Вознесена од музиката, Катица танцуваше во кујната… Фатална убавина, ветрот ги милуваше нејзините јадри гради , а месечината се лизгаше по нејзиното тело... Мирис на лазањи со многу, најмногу кашкавал... Мојата Катица прави најубави лазањи. Ги јадевме пред телевизор . Беше пуштен на А1, идеше Папарацо потера... Документарно таблоидна емисија со напалени мажи и блудници, со луксуз, возвишеност и елеганција, со ѕвончици на црвен тепих, со силиконски џет сетерки на сатенска постелнина, демек без цензура. Среде оваа пустелија низ емисијата се рефлектира сјајот на гламурот, необјаснив сјај во светот полн со илузии, свет на луди ноќи со кавијар и скапи вина, свет на розеви утра и панделки. Емисија во која се продава дел од сонот, со широки француски лимузини, со најлуксузните, најбрзи, најскапи, ретки и егзотични автомобили. Емисија која е епицентар на галантни богаташи и цицлести убавици со нивниот француски маникир, со нивната брендирана фенси облека, уникатните високи потпетици, со скапите парфеми и накит, со нивните облини и раскошните бушави крзнени бунди.
- Уште стриптиз барови и сауна им фали, успеав да проговорам додека голтав лакомо, небаре сто века не сум јаден.
- Ми мириса на пропагандна машинерија од северот , оваа емисија . Секогаш истата приказна, се задојуваме со турбо фолк, се дразниме на српски турбо фолк пејачки, им се поклонуваме ко на симбол на совршенство, со вообичаен глас коментираше Катица.
- Гледачите се запознаваат со личности од српската т.н. естрада, личности од глумата, спортот, српската политика, прикажани низ објективот на папарацо фотографот и снимател, кој од рано рано се буди пред утринската ерекција и ги следи со месеци, се жртвува човекот за нас, за да видиме како живеат богатите со своите отмени манири, за да ни го долови за нас обичните смртници тој недостжен свет, за да ни прикаже ексклузивни мигови од нивните оргазми, а богами што би рекол Јован Павловски, свршуваат ко ајкули, констатирав со иронија. Катице, за кој кур ни е тоа …? За кој кур ни е Дара буба мара со нејзината луда вожња, некој си Саша Ковачевиќ кој гаел симпатии кон акционите херои и пројавил симптоми на Снупи мен... За кој кур ни е тој квази српски џет сет, кој се фура нашироко кај нас. И на крајот на краиштата за кој кур ни е оваа емисија, која ја верглаат на А1, прашав нетрудејќи се да го скријам моето незадоволство.
- Невидена глупост, искоментира Катица допивајќи ја чашата со вино. Јас да ти кажам мислам дека на А1 телевизија им е потребен егзорцист да ги избави од очајната ситуација во која се наоѓаат. Станаа ко некоја локална српска телевизија...Не престанаа да не трујат со Све за љубав, Папарацо потера, Охрид ноќе со квази српски певаљки, а всушност па и што може да се очекува од телевизија која на пиедесталот го има Драган Вучиќ.
- Леле, се сеќаваш на една неверојатна сцена од неговото најспектакуларно летно шоу Охрид ноќе, прашав возбудено? Му гостуваше една од елитните српски пејачки која едвај ги држеше градите у фустанот и додека овој и зјапаше у цицки...
- Мачка му улета у кадар, ме прекина Катица....Мац, мац почна сељаков, не тргајќи го погледот од цицките. Наконтена мачка ќе да беше, виде како се фрцкаше со опашот, просто уживаше во своите пет минути слава, сигурно е главна шмизла која веќе сите ја препознаваат по охридските контењери. Није шала да се буде код Драгана Вучичу у емисју ... Громогласната смеа на Катица го параше воздухот во мојата соба. И се придружив...Се смеевме со полни усти, а А1 си го продолжи своето харикири, го продолжи својот танц на самоуништувањето. Не се веќе на тронот...Минато се квалитетните Friends, Lost, C.S.I, Наше Маало, Очајните домаќинки, Премиер лигата кои не држеа долго пред телевизор...Сега ги имаме Фаци, Браво шоу за кое не сум сигурен дали некој воопшто и знае дека постои, го имаме Драган Вучиќ и српската мафија ... Сега шундот владее на таа фреквенција... Сега се само бледа копија на тоа што некогаш беа... Си ги убија позитивните атрибути и со мирна совест можам да речам дека се свртија самите против себе. Во тек е процесот на вулгаризација на А1 телевизија... До кога бе вака....?

Супер колумна, дефинитивно денешнава А1 не се споредува со онаа што беше до пред две години.

Леле ме пресмеја, оваа Катица твоја не е нормална, моментот на вашето смеење си го доловил толку добро, што без да се потрудам ве замислив како би изгледале...
Браво мајсторе!

Во понеделник ќе ја објавам затоа што обично посетителите и тогаш ги чекаат твоите колумни.

Тв Додворување 8
Рајо е кај нас викат Шчипјаните. Над Исарот можеш да ги дофатиш ѕвездите, над Суитлакот можеш да си поиграш со облаците од цветен прав, низ Промајата ветрот игрив те мами ширејќи го мирисот на пастрмајлија од тесните сокачиња , низ Ново Село, близу црквата , кај занаетчиите- ковачите на светлината, можеш да го слушнеш гласниот шепот на Гоце Делчев кој сведочи за богатото историско минато заѕидано во калдрмата. Во метежот на тишината на брегот на Отиња врели бакнежи,се препушташ на страстите, се раѓа нова љубов, те сакам... На Радански Пат, циганска музика. Циганска свадба една недела. Шалвари, паупучи у сите бои, блага ракија, кна на рацете и нозете...Леваците, Деснаците – естетика у маало, стилизирани куќи, модерен ентериер за модерни луѓе што се вика. Урбан град е Штип со фул гужва по Скверо, Даблин , Angels cafe,позитивна атмосфера со модерни, убави , заводливи девојки... Штип е уште поубав на есен кога лисјата танцуваат на ветрот, кога се крчка ајварот,кога природата си игра со боите, кога се случува МАК ФЕСТ. Приказната започна сега веќе далечната 1986 година и трае добри 25 години. На сцената во Домот на културата "Ацо Шопов" каде се одвива бесценета уметност,каде се раѓа културата, продефилираа најголемите имиња во македонската музика и се испејаа најголемите хитови. Последниве десет години и мушкуданестата Вера Јанковиќ е неизбежен дел од магијата. Рокерката у крви му дава некој шмек на фестивалот и стана негов заштитен знак. Рака на срце, и покрај кривите нозе мораме да и признаеме и дека е најдобра од сите тие што се појавиле во таа улога.
- Култен статус има Вера Јанковиќ во Штип, коментираше Катица. Покрај толкуте наши присуства на Мак Фест не сум видела водителка која загризува толку агресивно на сцената, која го крева адреналинот, која воспоставува феноменална интеракција со публиката, која со толку ентузијазам го води фестивалот...
- Така е Катице, во секоја боја има светлина, па во виножитото од бои на Мак Фест таа му дава некоја шик нијанса и моќно звучи на сцената и со сигурност пее подобро од барем половината што се појавуваат на Мак Фест, ја надополнив моја Катица .
- Башка што му беше миленичка на директорот Стојан Троицки, се надоврза Катица. Што се случи со тој човек...? Го снема наеднаш...? Ги проживеа сите бури, го одржа фестивалот и ...? – еден куп прашања од Катица.
- Последно што чув за него, Катице е дека замисли продавал јоргани со максимална и оптимална удобност по штипските конфекции. Да, со бело комбенце патролирал по конфекциите, со цигарче у рака и плус давал на пишанка. Весели насмевки , како и секогаш, од страна на Катица.
- Знам, да си ми кажувал. Легенда беше човекот. Смени неколку уметнички директорчиња, но ете и он не издржа...Не знам како беше оваа година на Мак Фест, но знам во годините кога одевме, во негово време што би се рекло, лудило беше на фестивалот. Се сеќаваш ли, почна Катица а јас се претворив целиот во уво, таа година кога Тоше настапуваше со морска ѕвездо...Ауууч, збесна Катица не давајќи ми да и одговорам. Кожно палто, црна цвикера, косата во боцки..Божествен беше...Со бубулица на образот, јас луда тинејџерка трчајќи кон него се сопнав на еден од каблите и завршив во прегратките на бодигардите кои безуспешно се трудеа да го заштитат од нас.
- Катице од тој Мак Фест сеуште во ушите ми оддекнуваат свирежите во салата наменети за незаслужената победа на Ристо Самарџиев. Но голем беше Тоше. Времето го покажа тоа. Јас Катице пак се сеќавам на онаа година кога победи Бојана....Афтер парти во еден од штипските локали, Немам одбрана се пееше по милионити пат, и како сега ми е пред очи водителката на антенна 5 Дени со свирче во раката, качена на рамења на еден типац, УДРИ БРИГУ НА ВЕСЕЉЕ...
- Каква вечер беше само тоа, благо се насмевна Катица. А се сеќаваш ли на малите дечиња кои чекаа пред врата на секој Мак Фест,барајќи автограм од секого па дури и од нас. Мислам дека токму тие мали дечиња всушност и ја подигаат атмосферата на едно поинакво ниво и прават наште пејачи да се почуствуваат како прави ѕвезди.
- Да апсолутно се согласувам. Дечињата се закон. Никогаш нема да ги заборавам. Нема да ја заборавам и една од најјаките интерпретации барем во поновата историја на фестивалот , настапот на Александра Пилева кога цела сала се тресеше од нејзиниот глас. Опасен детаљ е и клавирот во холот, кои ги обединува пејачите во едно, кој секоја година ги свири незаборавните рефрени испеани на Макфест при што прави една величествена атмосфера. Илјади приказни но една љубов . Љубовта кон музиката ја врзува цела Македонија со Мак Фест.
Kако и секогаш многу блицеви, автограми, претрчувања по хулахопки од хотелот Оаза па се до салата, многу еуфорија, Киро Глигоров како стандарден гост, едноставна сцена понекогаш кичерајска, но сепак Макфест ја извојува битката со годините. Ја смени фреквенцијата, сега е на петка кои оваа година одлично си ја завршија работата, иако бев скептичен морам да признаам, но празникот на музиката продолжи. Победи Ламбе...Конечно, би рекол...Но за вкусовите не се дискутира...Најважно, магијата наречена Мак Фест продолжи и понатаму да се раскажува.

Ајде навалете народе... Пристигна Тв Додворување 8.... Овој пат Мак Фест како белег на градот под исарот. Повелете со коментари

Одлично како и секогаш, некако знаев дека од тебе ќе добиеме колумна на оваа тема. Забележав дека одлично го познаваш градот каде што се одржува оваа манифестација. Катица се појави некаде на пола, еден момент дури се запрашав дали и овој пат ќе не дружи.

Хехе, јас поради моето децениско ќе го наречам следење на фестивалот мораше да напишам една колумна за тоа. Катица знаете е неизбежна. A инаку си викам сега Крис,оти ме немаше скоро еден месец ќе е лут и нема да ми ја објави колумната. Брат неможеш кога сакаш да си пишуваш :) Ама за среќа си имаме закон администратор :) Јас со моите оправдани отсуства, а и реално и немаше за којзнае што да се пишува во периодов. Се беше А1 версус Сител. Ми се смачи веќе тоа.

Твое право е дали ќе пишуваш или не, ти не си вработен кај мене за да имаш такви мисли дали ќе бидам лут или не, сето ова го сфаќам како забава, сфатете го и вие така. Од петокот одлучив да си земам одмор па затоа нема ништо ново на сајтот веќе три дена, некогаш не можам да постигнам, стварно е напорно. Но затоа утре се враќам со полна пареа, а имам и зошто.

Сега и јас ќе глумам жртва како А1, до сега ме обвинуваа дека сум платен од Сител за да пишувам така, а денес Канал 5 ме обвинија дека сум платен од А1 за да пишувам така. Нека не ме тераат јас да платам една реклама за сајтов и да го испопуларизирам уште повеќе па да им ги извадам сите гомна на видело, тек тогаш ќе видиме како ќе реагираат.

Само напред, ја имаш целосната моја подршка...А ова за канал 5 е новина за мене...Ајде сега и тие се свртија кон тв пакет... Знаеш понекогаш мислам дека стварно треба да им се изнесат сите гомна како што рече, па може ќе имаат и поголем респект и пообјективно ќе гледаат на работите

Се свртија против сајтот затоа што во последно време пишував лоши работи за нив, но си ги заслужија, се е тоа вистина. Гајле ми е, сајтот не зависи од некој безнадежен медиум. Фала на поддршката.

Писателу форумаџиски, одамна не си напишал некоја колумна, ајде дај сети се на нешто. Стварно ми фалат твоите колумни igorao85

Еве ја стигна... Тв Додворување 9, малку футуристички како што прокоментира некој на сајтот

Тв Додворување 9

Македонија, 2020. Vip Survivor на Големиот Град . Тишината над мирното езеро се испреплетува меѓу дрвјата стари илјада години и танцува со јатата корморани, кокетира со кадроглавите пеликани и даурски ластовички, флертува со белите чапји, пиштарките, патките, лебедите... Низ густо извезените површини од Фоја се тркалаат сончевите зраци, во спектарот од бои во небесен танц се извиваат и по некој даб и габер, во огнометот од папрати ѕиркаат букети од весели печурки. Белвици, крапови, грунци во отмен танц го параат езерото на пенливи бранчиња и оваа нескротена убавина не можеш а да не ја впиеш во себе и таа нурнува длабоко во твојата душа. Темелите на црквата Свети Димитрија ја симболизираат побожноста уште од дамнешни времиња , ја сокриваат тајната за големата вера, сведочат за ранохристијанството. Оваа карпеста плоча сместена во југозападниот дел на Преспанското езеро, некогаш скривалиште на илинденските востаници од Преспа, оваа година беше домаќин на нашите најголеми медиумски фацки , трети пат.
Сонце, брадавици, тетоважи, грчки желки, ѕидни гуштери, белоушки, поскоци и во ова издание.
Шоуто беше во копродукција на А1 и Сител и одеше доцна во ноќта, по барање на гледачите со турски а со можност и за српски титл.
Приказните за невини детски сништа беа одамна раскажани , Катица спремаше палачинки во кујната. Јас и џин тоникот лакомо ја голтавме ретроспективата на најдобрите моменти од Vip Survivor 2020.
Место број 5
Во своето дванаесетто учество се надмина себеси. Кралицата на реалните шоуа, Бокица 13 со своите запотени мишки, искинати хулахопки, мрсна коса и неговиот стриптиз со белоушка у стил на Селма Хаек во “Од самрак до зори”. Облечен како мажоретка, приреди неверојатен перформанс со заводливото движење на колковите, жартиерите и секси движењата. Во ова камикази стриптиз шоу му асистираше Јанко Јади бурек, во делот со истурањето на вода врз неговите гради. Беше тоа украдена сцена од филмот Флеш Денс, но како и да е настана еуфорија на островот. “Боки 13, таткото на стриптизот”- скандираа брачниот пар Тања и Новица или како што ги викаа на островот Тањовица.
- Гасеницата се претвори во пеперутка. Боки 13 владее, искоментира Катица кога влезе во собата.
Место бр 4
Весна Бејби Петрушевскаааааааааааааааааа. Мерлинка која некогаш досадно саркастично маструбираше на политичките дешавки во државата овде во шоуто убиваше со нејзините идеи за формирање влада , театар и казино на Голем Град. За политичка стабилност и меѓуетничка љубов Мерлинка се залагаше и за независност на островот и секогаш ја вжештуваше атмосферата со своите прогресивни ставови и рака на срце глупи вицеви.
- Знаеш Катице ако продолжеше да си ја води Вртелешка, сега ќе славеше 20 години.
- Да и ќе беше поим за успешен македонски проект, а сега е само пропадната политичка марионета, безмилосно како и секогаш ја закопа Катица.
Место бр 3
Јанко јади бурек и неговиот стомак.
- Јас младичу у емисија сум ко дома и затоа се залагам за појавување во ѕиври. Додека некоја будала на телефон ми се поклонува ко на светост и ме дави со своите проблеми, ја да ти кажам младичу си шљапкам со нозете во леген, си играм младичу со рецепторните влакна во носот, шмркам младичу и ги гаѓам младичу, камерманите со искористеното шамивче. Јас го измислив младичу скајп сексот во емисија и башка да не ти кажувам дека Тоше Проески стално ми пишеше смс пораки у емисија, триумфално го заврши својот монолог Јанко.
- Знаеш, ова дека Тоше постојано му пишел смс пораки у емисија ја не верувам. Оваа приказна ја фура нон стоп. Јас не се сеќавамм дека Тоше изјавил дека многу го поштувал Јанко, се прашуваше Катица .
- Ни јас, очајно собирање на поени е за мене ова, да се зголеми рејтингот на неговата емисија која никој не ја гледа, ја подржав Катица.
Место бр 2
Џаро...Велибор Џаро 007. Човекот кој се билдаше во казина, продолжи да не излудува со своите ефтини приказни на српски и на островот бидејќи и онака не го биваше за ништо друго. Одбрана сцена за место бр 2 беше кога раскажуваше за тоа дека Чола го натерал да пее во сала полна со овци, а во позадина Зоки Фаци, Денис X и Роберт Вукелиќ играа ластик.
- Катице, знаеш човекот многу го поштував порано и стварно беше јак, ама сега е ко вирус на компјутер..Се едно исто та едно исто, прокоментирав...
- Да, па јас мислам дека одескогаш е бил досаден само оставаше лажен впечаток дека е интересен. Па и онаа емисија Џаро плац. Сам си беше и домаќин и гостин, монолог, еден муабет милион дешавки . Досаден гостин, досаден домаќин, жесток ментален хорор се согласивме со Катица.
Место бр 1
Тањовица и нивното ненаситно, диво водење на љубов. Македонските реални шоуа се продаваа насекаде низ Европа токму ради ваквите сцени кои секогаш ги имаше во изобилие. Опседнати од тоа секогаш да се во кадар и на тв со огнен жар, им се предадоа на страстите и Тања и Новица, со телата припиени едно до друго, со топли бакнежи, со треперење на срцата, гореа во пламенот на љубовта и и се смешкаа на камерите. Некогашните што пејачи што водители, нели на нашава сцена секој го бива за се, го освоија освоија шоуто. Vip Survivor 2020 стана фестивал на љубовта, празник на љубовта, славје на љубовта...
Да живее љубовта!!!

Хаха, супер идеја за колумна. :) Одлично!

Јас му кажав, најдоброто нешто од него!

Одлична како и сите други