Исечоци од списанија за теленовели

Порано се "палев" на вакви работи, собирав постери/магазини со музичари, актери и слично. Горе на спрат имам полни пакети со вакви глупости. Не дека некогаш повторно ќе ми притребаат, но ги чувам како богатство, а не знам ни самиот зошто. Еднаш татко ми се обиде да ги фрли, ама потоа посака да не го направеше тој обид!


Инаку, во четвртиот исечок... Хелена Рохо?

Цитат :

Инаку, во четвртиот исечок... Хелена Рохо?

Да, она е, ко помлада.

Инаку и јас на таван имам тони списанија и исечоци за латино актери/ки, серии, новели, чуда...Од списанија како Екран, преку Ина, се до Ла Нова. Порано ги прелистував по сто пати и на памет ги знам. Ама си ги чувам како спомен.

Еден број на "Семеен Магазин" каде што Талија беше на насловна знаеш колку пати го имам?
Подобро да не знаеш.

Во вакви случаеви сакав да си имам дупликати, за случајно ако некој ден ја исечам фотографијата, да не се уништи таа позади неа што е...

Кој памет сум го имал, детиште...

Хахахаха, не ми се верува колку слично сме размислувале.
Кога искочи Глорија со специјален додаток само за теленовели, си купив два броја за едниот да го сечам, а другиот да ми остане читав. Хахаха.

Another confession:

Кога излезе специјален број на "ТАА" само со Тоше, во периодот кога загина, купив три примероци. Еден за постерите од едната страна, друг за постерите од другата страна, а трет за да остане нечепнат. Истово го правев и за RBD.

Јас чувам само од неделниот прилот што одеше во хрватската Тена, мајка ми го земаше редовно покрај Глорија (која уште ја зема), и јас секогаш го вадев тој делот за новели. Од тој прилог, имам 7 комплетно содржини на теленовели од прва до последна епизода...

Ја имам една цела фиока полна од разно-разни списанија... Де од весници, списанија, српски, македонски... =))
А од видео материјали, едно 50-на ВХС-и, повеќето колажни. =))

Мене ми се случи така да купам повеќе примероци од еден број на списание за Млади Бунтовници... Иако баш не се сеќавам точно од кое списание и кога, знам тој број 3 пати го купив..

Леле за Млади Бунтовници не ми зборувај, во тоа време мојата соба немаше една бела точка на ѕидот, толку бев луд по нив што насекаде изналепив постери и слики, за да можам да ги гледам и кога не се на телевизија.

И јас бев заразена се дури едно лето не заминав кај роднините во Скопје и кога се вратив си го видов ѕидот преваросан а сите постери в канта... Тогаш ко не дехидрирав од константно плачење и пиштење, никогаш нема да дехидрирам