RAFAELA, Televisa|2011

Nathalie Lartilleux (Cuidado con el Angel) подготвува нова теленовела за пролетта 2011. Натали (сопруга на Салвадор Мехија) овојпат повторно цели на делата на Делија Фијало и во план е римејк на теленовелата Аlejandra oд 1994 г.

Содржина:

Рафаела е млада сиромашна девојка која се бори да го оствари својот сон и да студира медицина. Нејзината мајка Каридад е сиромашна и проста жена со шест деца од различни мажи. Сите деца се со различни карактери, некои добри, некои лоши. Рафаела започнува да стажира во една престижна клиника чиј директор е Рафаел Бустаманте, нејзиниот вистински татко. И покрај тоа што ја напуштил Каридад, Рафаел цел живот се кае за тоа и сака да ја најде својата ќерка. Дон Рафаел е милионер и е во брак со горда доминантна жена со силен карактер од која има ќерка, една срамежлива девојка. Откако ќе ја дознае вистината за потеклото, Рафаела започнува да го презира својот татко.
Во болницата доаѓа да работи аргентинскиот млад лекар Хосе Хулијан, женкар кој се вљубува во Рафаела. Рафаела ги презира сите мажи поради минатото на нејзината мајка. Но сепак успева да биде заведена од Хосе Хулијан и да остане бремена од него. Во тој момент кога Рафаела и Хосе Хулијан ја пронаоѓаат среќата во љубовта, се појавува Миреја, сопругата на Хосе Хулијан која тој ја напуштил откако починал нивниот син.

Scarlet Ortiz (Llovizna) неофицијално е потврдена како новата протагонистка во теленовела на Натали, римејк на Алехандра, каде во претходната верзија главната улога ја толкуваше Марија Кончита Алонсо.



Ова е деби на Скарлет во студијата на Телевиса. Актерката е попозната по своите теленовели снимени во Венецуела и Перу, а меѓу кои нејзини најпознати се "Llovizna", "Luisa Fernanda" и "Secreto de Amor".

Teленовелата Рафаела треба да започне со прикажување по завршувањето на Cuando me Enamoro, во терминот од 19 ч.