EZEL, Ay Yapim|2009-

Е З Е Л
Езел е криминалистичко-љубовна серија, снимена во повеќе локации како Турција, Кипар и Хрватска.
Инспирирана од романот на Александар Думас „Грофот од Монте Кристо„, серијата Езел е приказна за завршувањето на безбрижниот живот на едно момче и почетокот на осветничката борба на разорачаниот човек. Интригантната тема за изиграното пријателство и невозвратената љубов успеа да го заинтересира режисерот Улуц Бајактар и продуцентската куќа „Ay Yapim„, која за овој проект ангажира познати турски актери. Насловната улога му припадна на Кенан Имирзалиоглу (Горка љубов), турски актер и модел.
Езел успеа да ја надмине гледаноста на 1001 Ноќ на домашен терен. Исто така, бележи успеси во соседните држави, а почна да се емитира и во земјите од Средниот исток. Во Хрватска од 8.ноември се емитува на РТЛ Телевизија, а најавено е и емитување во Македонија на Алсат-М.
Поради Езелманијата, во Турција серијата добива многу награди за најдобра драмска серија, режија, главен актер, оригинално сценарио, музика, најавна шпица и за незаборавните моменти од серијата, конкретно од наградите „Исмаил Цем Телевижн Авардс„.Освен тие награди, наградена е и со наградите „Златна пеперутка„, „Галатасарај„, „Бахчесехир„....


Содржина:
Омер Унчар (Исмаил Филиз) е едноставно и искрено младо момче, предано на својата фамилија, но и на тројцата пријатели кои ги знае од своето детство. Али (Барис Фалај) и Џенгиз (Јигит Озшенер) се неговите најдобри пријатели, кои ги смета за свои браќа и за кои би го дал сиот негов живот, а убавата Ејшан (Чансу Дере) е љубовта на неговиот живот. По долгото отсуство поради војската, Омер се враќа дома во Истанбул, среќен што конечно ќе ја запроси жената од своите соништа и со која ќе оствари фамилија. Меѓутоа, судбината му предвидела друг пат - за време на неговото отсуство, неговите пријатели му осмислуваат лукав план за кражба во казино, убивајќи притоа еден од заштитарите и оставајќи доволно лажни докази кои ќе доведат до оптужба за Омер и осудување на доживотен затвор.

Улоги: Kenan İmirzalıoğlu, Cansu Dere, Yiğit Özşener, Barış Falay, Sedef Avcı, Salih Kalyon, Tuncel Kurtiz, İpek Bilgin