DESPERATE HOUSEWIVES|2004-

БРОЈ НА СЕЗОНИ: 7 (засега) | БРОЈ НА ЕПИЗОДИ: 134 |
ОФИЦИЈАЛЕН САЈТ | IMDB | TV.COM

Пет дами околу кои се врти целата приказна, секоја на свој начин прикажува различни типови на жени. Некои се венчани, други не сосема; некои се совршени домаќинки, други немаат појма што значи тој збор. Едни се искусни во флерт, додека други само сонуваат за тоа. Заедничко на сите им е што живеат во навидум совршениот дел од градот, Вистерија Лејн и тоа што секоја на свој начин влегува во категоријата „Очајни Домаќинки“.

Вистерија Лејн е место во кое многу луѓе би сакале да ги одгледуваат своите деца. Позади убавите фасади се кријат доста мали тајни интриги. Привидните пријателства ќе се испостават како вистински непријателства, а насмевките на лицата на очајните сопруги ќе се излади ако некоја на една и го сврти грбот. Оваа лага, во комбинација на мала еротика и доза на љубов и криминалистички вкус ја чинат оваа серија вистинско задоволство за гледачите пред екраните.

Серијата започнува кога Мери Алис Јанг ја напушта совршената куќа во најубавото предградие откако си го зема животот. Со тоа им доведува внимание на гледачите во животите на своите комшии и пријатели, коментирајќи за нивните настани од својот возвижен изглед на небото. Кругот на нејзините пријатели во Вистерија Лејн им припаѓа на Сузан Мајер, која конечно ја пронаоѓа љубовта на својот живот, но се запознава и со нови предизвици во семејниот живот; Линет Скаво која освен што ги има проблемите во своето многучлено семејство мора да се снајде и на неодамна откриениот рак, Бри Хоџ чија основна цел во животот е да го сочува својот имиџ на совршена жена и мајка, и Габи Солис, бивша манекенка, по втор пат венчана за политичар, која како да има се, само што љубовта кон сопругот и е под сомнеж.