GREY'S ANATOMY|2005-

БРОЈ НА СЕЗОНИ: 6 (засега) | БРОЈ НА ЕПИЗОДИ: 126
TV.COM | ИМДБ | ОФИЦИЈАЛНА СТРАНА

Вовед во анатомија (англиски: Grey's Anatomy) е позната американска медицинска телевизиска драма. Дебитираше на телевизијата ABC на 27 март 2005, во терминот по Очајни домаќинки. Главниот лик во серијата е докторката Мередит Греј (Елен Помпео), која започнува да работи како стажист во болницата Сиетл Грејс во Сиетл, Вашингтон. Насловот на серијата е изведен од насловот на познатиот медицински прирачник Анатомија на човечкото тело (Grey's Anatomy). Во Македонија, Вовед во анатомија се емитува на А1 телевизија. Серијата досега два пати освоила „Златен глобус“, за најдобра серија и споредна улога, една „Еми“ награда за најдобра серија. Иако дејството на серијата се случува во Сиетл, сите ентериерни и екстериерни сцени се снимени во Калифорнија во болницата Кер центар.

Персоналот на клиниката во Сиетл го сочинуваат Мередит Греј, чија мајка била многу познат хируг, но поради Алцхајмеровата болест е сместена во санаториум, Кристина Јанг, Дерек, со прекар „Мистер Згоден“, Ричард Вебер, Престон Бурк, Џорџ О'Мали, Изабел „Изи“ Стивенс, Адисон жена на Дерек и Миранда Бејли, шефица на персоналот, која поради незгодниот карактер, брзо го стекнува прекарот Нацист.
Сите ја имаат хирургијата како специјалност, а со тек на времето, меѓу нив се раѓаат љубовни врски од кои само мал дел ќе се покажат како успешни.
Серијата започнува со средбата на Мередит и Дерек во кафе бар. Тие истата вечер завршуваат во кревет, без да знаат дека следното утро ќе се видат како колеги.
За улогата на Дерек Шепард, првобитно бил планиран актерот Роб Лоу, но Патрик Демпси се покажал како најдобра варијанта.
Во втората сезона се појавува и актерката Кејт Волш во улогата на Адисон Шепард, главната соперничка на Мередит. Таа како и ликот на Алекс Карев, првобитно требало да играат само во пет епизоди, но нивниот лик стекнал обожаватели, па ангажманот им е продолжен на неодредено време.
Во неколку епизоди, во епизодна улога се појавува и холивудската ѕвезда Крис О'Донел, во улогата на докторот Фин, кој ќе му стане конкурент на Дерек за освојувањето на Мередит.
Меѓу интересните случаи што ги има персоналот се: жената во виљушка во врат, труден маж, операција на неродено бебе, болнички сифилис (кога целиот персонал се тестира да се најде преносителот), човек со шест прсти и многу други кои на моменти предизвикуваат и комични ситуации.

Улоги: Елен Помпео, Сандра О, Кетрин Хајгл, Џастин Чејмберс, Т.Р. Најт, Чандра Вилсон, Џејмс Пикенс Џуниор