Сонот на Благородна

По примерот на балканските земји, конечно и нашата земја се одлучи да создаде своја теленовела, која ќе биде изградена по тип на латино теленовелите. Оваа тешка одлука ја донесе телевизија СИТЕЛ која започна да ја снима првата македонска теленовела СОНОТ НА БЛАГОРОДНА. Во главните улоги ќе ги видиме ѕвездите на Сител и медиумскиот етер: пејачите Ноне Неделковска, Ристе (Браво Бенд), Есма Реџепова, Драган Вучич, Сузана Турунџиева, Александар Чомовски, Здравкица Билбиловска, Живкица Ѓурчиновска и многу други познати лица. СИТЕЛ одлучи познатите лица да ги задржат своите вистински имиња во серијата која ќе се прикажува од 20 часот секој работен ден. Сонот на Благородна е романтична теленовела која ни го раскажува животот на младата и убава Благородна "Ноне" која ќе мора да помине многу препреки за конечно на крајот да го оствари својот сон. За серијата интерес пројавиле над 150 држави во светот, а воедно ова претставува вистинска можност да се проомовираат квалитетите на македонската новосоздадена песна.


СОНОТ НА БЛАГОРОДНА
Земја на потекло: Македонија
Продукција: Сител
Година: 2009
Епизоди: 150


Синопсис:
Дејството започнува 1990 година во Скопје, Македонија. Есма Реџепова, вдовицата на дон Стево е моќна и богата жена која по смртта на сопругот ја има наследено гигантската корпорација СИТЕЛ која ја опфаќа најгледаната телевизија и најпродуктивната продуцентска музичка куќа од која се реализират светски ѕвезди. Есма има ќерка единица, на која и посветува многу малку внимание затоа што целата енергија ја насочува во хуманитарни ангажнмани низ светот. Нејзината ќерка единица е убавата и наивна Сузана која е во врска со Александар Чомовски, водител од конкурентска компанија. Еден ден Сузана открива дека е бремена и му кажува на сакниот, но тој ја напушта затоа што не сака да се обврзува, а воедно неговиот газда Рамковски не му дозволува било какво мешање со Сител. Сузана е повредена и депресивна, а утеха наоѓа во убавиот Драган Вучиќ, водител во телевизијата на мајка и. Драган е злобен, суров и алчен човек чија единствена цел е да се ожени со Сузана и да и ги земе парите од мајка и, има љубовница - Хелена Роза. Затоа тој и нуди емотивна сигурност на Сузана и и предлага тој да биде татко на нејзиното дете, а воедно ужива големи привилегии кај доња Есма затоа што е подлизурко. Сузана паѓа на лагите на Вучиќ и се мажи со него, па така Драган доаѓа да живее во палатата на Есма и Сузана каде ги носи и неговите две ќеркички Живкица и Здравкица кои му се од првиот брак.
Сузана е во крајната фаза од бременоста, сите се подготвуваат за дочек на новиот наследник на имотите и компанијата, но баш тогаш Есма мора да замине во странство каде има хуманитарни ангажмани. Драган е против тоа да се роди новиот наследник на империјата на доња Есма и затоа решава да се ослободи од тоа дете по секоја цена за наследтвото на Есма да им припадне на малите Здравкица и Живкица. Затоа ја носи гатачката Сабина да ја породи Сузана. Сузана раѓа девојче, Драган го зема и и го дава на Сабина да го земе и да го однесе далеку од Скопје. За возврат и дава мала нива со пиперки во Велес и и вели таму да оди со бебето. Сабина се согласува и бара секој месец да и исплаќа пари, а Вучич се согласува. Потоа Драган ја дави Сузана и откако ќе се врати Есма, ја лаже дека нејзината ќерка и внука умреле на самиот ден на породувањето. Есма од тогаш се менува, плаче и му дозволува на Драган да остане во палатата заедно со ќерките. Од друга страна, Сабина заминува со бебето во Велес и решава да ја крсти малата Благородна.
По многу години, Благородна расте во преубава млада девојка која сите во Велес ја сакаат и ја нарекуват нагалено Ноне. За да опстане, Ноне работи на нивата и собира пиперки, од кои прави ајвар и го продава на велешкиот пазар. Таа има мало кученце на кое постојано му ги доверува тајните. Нејзиниот сон е да стане позната пејачка и се надева дека еден ден ќе го исполни својот сон, а нејзината баба Сабина никогаш и го нема кажано богатото потекло. За тие години, Есма и Драган ја раководат познатата и најмоќна компанија во Скопје - Сител. Во палатата живее и девојката на Драган, злобната Хелена Роза и разгалените Живка и Здравка. Еден ден доња Есма ќе го слушне разговорот меѓу Драган и Хелена и ќе дознае дека ќерката на Сузана е жива. Драган е приморан да признае дека на породувањето Сузана ја дала ќерката на Сабина гатачката и дека тој морал да молчи со што ја почитувал нејзината одлука.
Есма е пресреќна и заедно со слугата Монси заминува за Велес за да ја најде Сабина. Конечно ја наоѓа, по голема дебата и Благородна дознава дека е внука на моќната богата старица. Есма ја моли внуката да дојде во Скопје, па така Ноне и Сабина се вселуват во палатата на доња Есма во главниот град. Драган, Хелена, Живкица и Здравкица се протв доаѓањето на слатката Ноне во куќата затоа што знаат дека таа е единствената наследничка. Полека почнува да се остварува сонот на Ноне. Водена од баба и, влегува во големиот свет на музиката и славата, станува позната пејачка во СИТЕЛ и во една кафеана го запознава убавиот локален пејач Ристе во кој се вљубува. Но, Есма не може да дозволи нејзината внука да се омажи со сиромашен фраер и затоа ја забранува таа врска. Тоа го искористува Драган Вучиќ за да и се доближи на малата Благородна и на иста фора како и со мајка и, ја фаќа и малата Ноне. Разочарана од љубовта, Ноне се мажи со нејзиниот очув. Е сега Ноне ќе мора да се соочи со вистински злобници како што се ќерките на Вучич, со Хелена Роза на која и го завземе местото и со сите пејачи на естрадата кои и љубоморат на мултитталентираната наследничка. Следуваат лоши моменти за нашата Благородна чиј сон и не е така лесно остварлив....


Улоги: