EL JURAMENTO, Telemundo Studios|2008

Заклетва е една од најнеуспешните новели на каналот на Телемундо, која воедно претствавува и римејк на мексиканската популарна серија "La Mentira" (со Гај Екер и Кејт дел Кастиљо). Најпрвин серијата се прикажувала од понеделник до петок и биле планирани 130 епизоди, но поради лошиот рејтинг, серијата била префрлена да се прикажува само во недела. Телемундо отпрвин ги одбра Габи Еспино и Фернандо Кариљо како главни протагонисти на серијата на која и беше даден првобитен наслов "El Engano" и со нив беа снимени околу десетина епизоди. Меѓутоа местото на Кариљо го доби Освалдо Риос во Телемундо, а поради бременоста и Еспино ја напушти серијата, така да мораше се да се снима од почеток и тоа со Освалдо Риос и Наталија Стрејгнард како главни глумци.
Серијата и покрај лошиот успех на матичниот канал, доживеа голем успех на интернационалниот пазар. Ова е прва синхронизирана теленовела што се емитува во македонскиот телевизиски етер и каде што оригиналните гласови на актерите што говорат на шпански јазик се покриени со македонски говор.


ЗАКЛЕТВА - EL JURAMENTO
Земја на потекло: САД
Период на прикажување: 30 Јуни 2008 - 22 Декември 2008
Епизоди: 106


Сантијаго де Ландерос пристигнува во мало село надвор од Мексико, разбирајќи дека неговиот полубрат Диего де Ландерос се самоубил поради предавството на една бескрупулозна и горделива жена која одбила да се омажи за него. Малку по малку младиот маж собира секакви материјали за настаните и врската помеѓу брат му и жената, дознава информација од сопствениците од куќата во која живеел Диего, подоцна стануваат и пријатели, па на тој начин Сантијаго успева да ја подреди сложувалката. Сантијаго се обидува да ја состави целосната приказна што го одвела неговиот брат во трагедија, а единствен детаљ што му е познат и кој е поврзан со мистериозната жена е нејзиниот ѓердан со приврзок во облик на буквата А.
Патот ќе го одведе Сантијаго до една богата хациенда во Мексико каде што работел Диего, а чијшто сопственик е богатиот дон Теодоро Роблес Конде. На ранчот живее и сопругата на дон Теодоро, доња Лујза, нивниот син Хуан Пабло и двете посвоени девојки Алма и Андреа. Според доказите кои ги има Сантијаго, жената заради која се случила несреќата на брат му живее токму во тој дом. На приемот на тој богат имот, младиот маж се запознава со девојките на семејството. Сантјаго ги запознава “Невината” Алма Роблес Конде и динамичната Андреа Роблес Конде кои физички блескаат од убавина. Сантијаго сега е сигурен дека една од нив е виновна за самоубиството на неговиот брат. Останува само да дознае дали треба да и се одмазди на Алма или на Андреа. Тие ја споделуваат тајната дека имаат само две семејни медаљони со буквата А, но едната од двете го изгубила својот. Несигурен, која е причината за трагедијата во семејството, Сантијаго паѓа во заблуда и заклучува дека виновникот е Андреа. Тој започнува да флертува со неа, да ја мачи и на тој начин ја започнува неговата одмазда. Ја заведува убавата Андреа во селото, каде се самоубил брат му, со цел да се ожени со неа и да го загорчи животот, неспособен да сфати дека таа која е со “ангелското” лице – Алма е всушност вистинскиот ѓавол и таа е причината за смртта на Диего. Сантијаго и Андреа се венчаат, но тогаш започнуваат страдањата за Андреа која е малтретирана од сопругот и сфаќа дека се омажила за човек кој бара само одмазда. Многу подоцна, Сантјаго ја дознава вистината но веќе Андреа е трајно ранета, разочарана и се прашува зошто тоа и го сторил без подлабоко да ја спроведе истрагата.
Сакајќи да ја поправи грешката нанесена на невината личност во која виситнски се вљубил, Сантјаго решава цврсто да се бори за љубовта на Андреа и да се одмазди на вистинскиот виновник на тој начин што ќе ја исполни заклетвата, која ја дал пред ковчегот на својот брат.


Улоги: Natalia Streignard, Osvaldo Ríos, Dominika Paleta, Susana Dosamantes, Héctor Bonilla, Pablo Azar, Salvador Pineda, Héctor Suárez Gomís, Harry Geithner, Carlos Torrestorija