EVERYBODY LOVES RAYMOND|1996-2005

Сите го сакаат Рејмонд (англиски: Everybody loves Raymond) е американски ситком емитуван на телевизијата CBS од 1996 до 2005. Заедно со Сајнфелд, Пријатели, Фрејзер и други, ова е еден од најпознатите американски ситкоми. Креирана е од Philip Rosenthal, а има добиено многу награди меѓу кои Emmy Awards, Screen Actors Guild и Writers Guild of America.
Базирана на вистински искуства на Реј Романо, Сите го сакаат Рејмонд премиерно се прикажа на 13 септември 1996 на CBS. Серијата е продуцирана од HBO, Worldwide Pants во асоцијација со Where’s Lunch?. Иако првата сезона не беше многу гледана главно поради лошиот термин - петок навечер, понатамошните сезони се емитуваа во нов термин и ја победуваа конкуренцијата. Една од најсилните конкуренти во тој термин беше Ели МекБил. Последната епизода беше емитувана на 16 мај 2005, а според гледаноста се наоѓа позади сериите М*А*S*H, На здравје, Married... with Children, Сајнфелд, Home Improvement, Луд по тебе, Сексот и градот, Фрејзер и Пријатели, а пред Вил и Грејс и Кралот на Квинс.
Сите го сакаат Рејмонд кај нас се емитуваше на Сител телевизија.

Серијата се врти околу секојдневниот живот на итало-американецот Реј Барон, писател на спортска колумна во весник, кој живее со својата жена Дебра Барон, нивната ќерка Али и нивните идентични синови Мајкл и Џефри. Родителите на Реј и неговиот љубоморен и несигурен брат Роберт, не ги оставаат Реј и Дебра на мира ни еден момент. Реј често се вмешува во нечии проблеми, но на крај обично тој излегува виновен.


1 сезона: 22 еп.
2 сезона: 25 еп.
3 сезона: 26 еп.
4 сезона: 24 еп.
5 сезона: 25 еп.
6 сезона: 25 еп.
7 сезона: 25 еп.
8 сезона: 23 еп.
9 сезона: 18 еп.
вкупно епизоди: 213


Улоги: Реј Романо, Патриша Хитон, Бред Герет, Моника Хоран, Медлин Суитн, Дорис Робертс, Питер Бојл