BROTHERS & SISTERS|2006-

БРОЈ НА СЕЗОНИ: 5 (засега) | БРОЈ НА ЕПИЗОДИ: 87
TV.COM | ИМДБ | ОФИЦИЈАЛНА СТРАНА

“Браќа и сестри” е американска драмска ТВ серија. Прв пат беше емитувана на американската телевизија ABC, во недела 24. септември 2006, во терминот после “Очајни Домаќинки”. Актерската екипа ја чинат Оскаровката Сели Филд, добитинчката на Златен Глобус Калиста Флокхарт и Рејчел Грифит. Сели Филд за улогата на Нора Вокер во 2007 доби Еми во категоријата за “најдобра глумица во драмска серија”. Серијата исто така се емитува и на хрватската национална телевизија, ХРТ.

Кратка содржина:

Серијата е фокусирана врз членовите на семејството Вокер, американско семејство со ирско-еврејско потекло. Некои од членовите ја водат семејната фирма “Ojai Food Company”, главен дистрибутер на храна во регионот. Семејната куќа е сместена во Калифорнија. Приказната започнува со смртта на главата на фамилијата, Вилијам Вокер, на роденденската забава на Кити. Неговата смрт е повод за откривање големи тајни од неговиот друг живот – тајни кои ќе влијаат на сите членови од неговото семејство. Двете поголеми тајни е дека имал љубовница Холи Харпер и ќерка од таа врска, Ребека, и да проневерил пари од сопствената фирма. Откако дознава дека татко му планирал да отвори винарија, Томас Вокер го основа тој бизнис заедно со Холи и ја отвата “Walker Landing Wine”.