Визуелен идентитет на нашите телевизии

Визуелениот идентитет за една телевизија претставува доста важна работа.
Шпиците, џингловите, сценографиите на емисиите...
Колку и да е интересна некоја емисија, барем мене не би привлекла да ја гледам ако не изгледа барем солидно за наши услови (типични примери за негледливост се МТВ и Телма).
Потипичен пример, одите во продавница, сакате да купите чоколадо, и гледате две различни на полицата, од кои едното чоколадо е во многу убава обвивка, а другото во многу грда, не знаејќи дека во грдата обвивка се крие многу подобро чоколадо. Тогаш, кое би го купиле? :)
Значи, во оваа тема ќе може да се поставуваат screenshot-ови, видеа, whatever од визуелните изгледи на нашите телевизии (пред се официјалните шпици на телевизиите, најавите за емисии/серии/филмови, шпици за епп, најави на програма, шпици за вести и студија од истите, разни сценографии од емисиите...)

Започнуваме со Скај Нет. За мене едни од најдобрите во Македонија.
https://www.youtube.com/v/8vMqLyLSKhk
https://www.youtube.com/v/L56mqRXcodM
https://www.youtube.com/v/8qtK8d2ar0w

That's my cousin :)

Losteech напиша:

That's my cousin :)

Да, го имаш кажано тоа на темата за Канал 5 мислам. :)
Алал да му е. Сите шпици сочинуваат една целина и се пријатни за гледање.

Морам да се пофалам дека научив да правам исти такви бидејки тоа студирам на факс прва година сум, па си ги земав како пример да направам нешто такво и успеав

Форшпаните на Скај Нет се добри, иако ме потсеќаат на оние од Фокс Лајф. На Скај Нет плус сега имаат воведено малку поразлични и се доста интересни. Од поновиве телевизии, Наша ТВ многу ми се допаѓаат. Таа телевизија ми остава впечаток на многу динамична телевизија, што за мене е навистина позитивно и се надевам дека ќе одат напред. А2 исто се интересни со оние slow motion кршења и прелевања на бои (теве, радио, радио... планета теве радио... :))

Најлоши форшпани и реклами има МТВ. Не ми се верува - во најблага смисла на зборот - дека нашата национална телевизија има олку аматерски кадар. Јас, што познавам само Адоб Премиер од монтажа, би направил троа подобра анимација... Едно време кружеа гласини дека ќе се правела тотална реформа на телевизијата... јас уште со душа го чекам тоа, да се даде малце достоинство на јавниот сервис кој веќе со години умира, тоне. Ужасна и срамна ситуација.

А1 има добри форшпани, но мислам дека би можеле малку да се подноват што се однесува на софтвери за монтажа. Не знам дали само јас приметувам, но речиси се` што оди на нивната програма од форшпани, реклами и шпици е правено по ист шаблон, со иста програма. Така што, им треба малку освежување.

Телма - на телевизијава и` треба доста ремонт. Како прво, малку програмата треба да ја живнат, но темава не е место за таква дискусија. :) Што се однесува до форшпаните - исто. Refresh & Restart urgently needed. :P

МТМ, АБ - немам коментар. Канал 5 - за нијанса подобри од претходниве две, ама Канал 5 плус... АУЧ!

^^И јас сум го приметил тоа за А1. :)

Според мене, вака како гледач ми се чини дека А2 има најдобри шпици. Делуваат најсветски во споредба со останатите телевизии.

Алфа е на второ место. Иако се преземени/украдени/откупени (претпоставувам откупени, бидејќи не се разликуваат од оригиналите) од РТЛ Хрватската, сосема се добри. Како што знам, визуелниот идентитет Aqua кој го користи и Алфа има добиено некоја висока награда. Не треба да кажувам дека како телевизија поседуваат најдобра сценографија за емисиите.

МТВ... ОК им се шпиците кои во 2007-ма им ги изработи FX3X продукција (номинирана беше за ЕМИ), но тие како по обичај ги измешале со некои експерименти од сопствена продукција и крајниот резултат е ужасен.

Канал 5... како што и кажав вчера, аман веќе од нивното менување на секоја втора недела. Баш прочитав сега брзо интервју (постаро) со нивниот графички дизајнер, кој вика дека има огромна слобода во изработката. Сепак, тоа не треба да значи дека мора да ги менува сите шпици на толку брзо време. :) Патем, тој вика дека се гордее на шпицата на Канал 5 за Вести... мојот коментар:

Сител се поправија. ЕПП шпиците се конечно пријатни за гледање, уште да ги сменат тие за најави на програмите нивни и ќе биде ОК.

Телма... АУУУ! Она што го користат за најави на филмови е К-А-Т-А-С-Т-Р-О-Ф-А!

И Алсат се добри. Доста солидни.

Да, да, ја заборавив Алфа, која во тоа поле ја сметам за најдобрата кај нас. Фе-но-ме-нал-но! И сител не ги прокоментирав - во право си, добар прогрес со форшпаните за реклами, само уште да ги направат подобри најавите за филмови/серии.
Алсат - има место за подобрување.

П.С. Само што ја видов најавата за Weeds на канал 5. Па ова, за разлика од претходните, е сосема солидна форма на најава и се надевам дека ќе ја задржат. Ми се допаѓа што го ставиле оригиналното лого.

Мене ми се допаѓаат новите шпици и форшпани на канал 5, а иначе најлошо нешто досега било ако се сеќавате пред 15тина години - најавите на А1
Некои букви шарени, рачно напишани кажуваа дека ќе има серија или филм или квиз, нешто исто со гројзе беше, колку беше смешно и глупаво
Од сегашните најави, новите на канал 5 најмногу ми се допаѓаат

Мене кај А1 ме нервира најмногу што пуштаат официјална музика од серијата во позадина, додека во сцената која што се прикажува оди некоја друга. Мислам дека ова може лесно да се реши во Премиер, само што ги мрзи.

А, и да не почнам да зборувам за трејлерите кои ги прават нашите телевизии. Некако сите изгледаат аматерски, ако некој има доволно слободно време може како ништо да изработи подобри! Зборувам од лично искуство бидејќи и јас се занимавав зимава, правев некои трејлерчиња за Изгубени кои беа многу подобро прифатени од публиката на блогот за разлика од трејлерите/промоата на А1 кои откриваа премногу...и некако немаа смисла (сцени до сцени испозалепени колку да се каже дека е трејлер!). Исто е и со другите телевизии, сите имаат проблем да направат добар трејлер. Или барем јас така мислам.

За форшпаните, според мене, најдобри се на А1, Скај Нет, А2, Наша ТВ и Сител...

Најавите на Сител не ми се допаѓаат (вакво нешто за минутка се прави во Power Point).
Би требало да направат нешто во стилот на ЕПП шпиците, па и најавите да би се менувале во секое годишно време.

http://division.com.mk/
Тука имате доста screenshot-ови од стари шпици по нашите телевизии, особено за Канал 5 и бившата ТВ 4 (во менито одберете TV solutions и телевизијата која сакате да ја видите)

Многу е парадоксално што пред 8 години Канал 5 изгледала подобро визуелно отколку денес.

--------------------
МТВ Дневник 2002


МТВ Дневник 2007


ЦЦЦ... срамота...
Како може национален сервис да спадне на лошо ниво, а би требало да биде обратно.
Не дека шпицава од 2007-ма е лоша, но едноставно, шпицата од 2002-ра е светлосни години напред (ќе се тешиме и барем што 2003-2007 шпиците беа под секакво ниво!).

Абе катастрофа невидена

Би го прокоментирал малце дизајнот на вестите на нашите телевзиии.

А1 - дизајнот го менуваат на 4-5 години, но во 2000-та година она што го направија е за секаква пофалба, тоа беше некој вид преродба за нашите телевизии. :) Дизајнот од 2005-та, па навака е ОК, само студиото е некако полошо од претходното.

Алфа - најдобри шпици, графици, табели, солидно студио... Бизнис вестите не треба ни да се коментираат, најдобри од визуелен аспект.

Канал 5 - студиото можеби најдобро за наши услови, но сепак малку конфузно. Останатиот визуелен дел, од најавна па до одјавна шпица - к-а-т-а-с-т-р-о-ф-а.

Сител - како што кажав повеќе пати, новото студио е подобро од старата шупа, но не требало баш да ги копираат ХРТ, можеле и сами да си направат нешто. Што се однесува до останатиот визуелен дел, конечно да ги вбројам во топ 3 (заедно со Алфа и А1), а за пофалба е што по 10000 години ги исфрлија старата Временска прогноза и стариот телоп за спортски табели.

Алсат М - пријатно студио за гледање, добри шпици... Тука некаде се со Сител.

Мене А1 ми се најдобри, кога го направија ова што го имаат моментално јас им ја побарав музиката што оди на вестите, тотално се ми се допадна тогаш кога излезе, сега веќе дали дека помина време некако ми избледе и досадна ми стана

Ајде малку ретро.

Сител најава на програма 2003


Сител Дневник шпица 2003


Сител Дневник Студио 2003


Сител Маркетинг шпица (зимска) од '90ти па до пред некоја година


Преземено од Специјалниот Новогодишен Дневник 2003 на You Tube каналот на Сител.

хахаха само што сакав да кажам кај ги ископа ама си пишал со ова што е со мразулциве и другите 3 од таа категорија на годишни времиња го отупеа, исто и муиката која идеше со нив

Еј, ги памтам! :) Постирај ако имаш од други телевизии.

Еве уште нешто ептен старо, додуша минијатурно. =]


1. Најстарата шпица за Вести на Телма (1998-2002)
2. Политички магазин 20/20
3. Пакет за сабота, долгометражна саботна емисија
4. Twisted City, се емитува и ден денес
5. Соѕвездија, културен магазин
6. Планета 7, претпоставувам денес заменет со Филмополис

Не се сеќавам на ни едно од нив

Богами ни јас, можеби на Вестите само малку.

Ни ја

Студиото за Вести/Дневник на Сител (од април 2009)

Ова е сега засега најдобро студио за вести кај нас, бар јас така мислам, еве баш гледам и по сликите кои ги вадев за спикерите нивните најдобро изгледаат

Убаво е, но идејата ја преземале од ХРТ.
Мене лично повеќе ми се допаѓа тоа на Алфа.
Сега ќе поставам screenshots и од други студија.

На А1 е најружичасто, најпросто со тоа главите на црната и плавата во преден план што се.

МТВ 1 - со оглед на тоа колку е лоша како јавна ТВ, студиово е научна фантастика за нивни услови.


А1 - засега водат како ТВ со најлошо студио, претходното им беше многу подобро, дури и денес би било подобро отколку ова.


Канал 5 - добро, но веќе здосадува. ЛЦД-ата почнаа да се расипуваат. :|


Телма - и за нив важи истото, претходното студио беше многу подобро, а ова го направиле многу помало од старото.


Алсат М - одлично, заедно со Алфа и Сител имаат најдобро студио за вести кај нас!


Сител (старо) - еден збор: катастрофа.