EL ROSTRO DE ANALIA, Telemundo Studios|2008/9

Анали (шпански јазик: El Rostro de Analia) е американска теленовела. Во главните улоги се појавуваат Елизабет Гутиерез, Мартин Карпан, Марица Родригез и со специјално гостување на Габи Еспино во првата и последната епизода. Серијата е напишана од венецуелскиот писател, Умберто “Кико” Оливиери, но исто така е и римејк на венецуелската теленовела Марија, Марија. Во САД, серијата со прикажување започна на 20 октомври 2008.


АНАЛИ - EL ROSTRO DE ANALIA
Земја на потекло: САД/Колумбија
Година: 2008/09
Eпизоди: 178

Во оваа интригантна приказна која се раѓа во светот на злосторствата се испреплетуваат амбицијата, зависта и одмаздата со тоа што се кова завера против Маријана Андраде (Габи Еспино), млада и успешна бизнисменка која открива дека нејзиниот маж Даниел има афера со нејзината братучетка Сара (Марица Родригез). Маријана од бракот со Даниел има ќерка Адријанита, а живее во огромна вила и со родителите Ернесто и злобната Кармен. Сара е нивната роднина, убава, амбициозна и опасна жена вплеткана во мафија со дрога, која е неспособна за ништо друго освен за убиства како би го добила тоа што го сака. Сара сака да застане на чело на семејната компанија и сака да го добие мажот на братучетка и, па затоа бара помош од нејзиниот пријтел, макрото Рики Монтана. Рики Монтана решава да и помогне на Сара и затоа и наредува на неговата омилена Анали да ја убие Маријана Андраде при што патот на Сара до целта би бил чист. Анали потекнува од сиромашна фамилија, но западнала во светот на парите, убиствата, мафијата, работи како стриптизерка и е омилена на нејзиниот шеф Рикардо Монтана.
Кога Маријана ја открива страшната вистина за аферата на нејзиниот сопруг, таа ја напушта куќата и заминува, но на патот е пречекана од Анали која е пратена да ја убие неа. После атентатот на својот живот и автомобилската несреќа која и го остава лицето променето засекогаш, еден научник ја пронаоѓа Маријана и несвесно и го реконструира лицето во крива слика, која засекогаш ќе го замени текот на нејзиниот живот. Таа не може да се сети на ништо од своето минато, и сега е со лицето на Анали, жената која се обидела да ја убие неа. А во сообраќајната несреќа загинала Анали, но фамилијата мисли дека таа која умрела е Маријана. Маријана е присилена да го живее животот во темнина на девојката која била пратена да ја убие - Анали. Во тој момент таа ќе живее двоен живот за борбата помеѓу љубовта и нејзината желба за одмазда. На крајот таа ќе биде присилена да одлучи ако може да прости, како би ја пронашла среќата дури и ако таа има прифаќање да живее во сенка на Анали. Маријана со новото лице се вработува во куќата и фирмата на семејството Монкада каде се вљубува во Даниел повторно, а и тој во неа. Новата Анали ги придобива симпатиите и на Адријанита и дон Ернесто кои не претпоставуваат дека зад тоа лице се крие нивната сакана Маријана. Единствено против Маријана (новата Анали) ќе застанат нејзината роднина Сара и Кармен. Сара не сака никоја да и застане на патот на амбицијата да ги добие Даниел и компанијата во пакет, а пак доња Кармен е против новата дадилка. Тајните постепено почнуваат да се откриваат: Кармен не е вистинската мајка на Маријана туку ја купила пред многу години, вистинската Aнали е жива и е криена од научникот Армандо , но воедно таа не е убиец, туку таен шпион на полицијата за која и работела во намера да го открие Рики Монтана. Кулминацијата се достигнува со појавувањето на вистинската Анали - сега и Маријана и Анали се во истото лице и ќе мора да се борат против Рики Монтана и против сите оние кои сакаат да ги убијат.

Улоги: Елизабет Гутиерез, Мартин Карпан, Марица Родригез, Габриел Порас, Химена Дуке, Габи Еспино, Зули Монтеро, Алехандро Шабан