DAME CHOCOLATE, Telemundo Studios|2007

Интересно: Кога Телемундо за прв пат ја претстави теленовелата во месец мај 2006 година, во актерската екипа беа вклучени Маурисио Окман во улогата на Брус, Зарик Леон во улогата на Саманта и Ерик Елиас во улогата на Анхел. И трите актери всушност беа во други продукции на Телемундо. Окман ја доби главната улога во "Марина", Леон ја глумеше Илуминада Урбина во "Вдовицата во Бело", а Елиас и се придружи на актерската екипа на новелата "Зоро".

СЛАТКА ТАЈНА - DAME CHOCOLATE
Земја на потекло: САД
Период на прикажување: 5 Март 2007 - 5 Октомври 2007
Eпизоди: 150


Синопсис:
Росита Амадо е младо девојче, добродушно и интелигентно. Но како сите што знаеме, не постојат секогаш идеални луѓе. Таа не е идеална и има еден “мал” дефект, кој и го бележи животот и судбината. Росита е родена во Чинчес Браво, мал град на полуостровот Јукатан. Мајка и умира при раѓањето, а татко и исчезнува, бидејќи не сака да си ја превземе одговорноста. Таа е одгледана од својата баба Дулсе, тетка и Ортенсија, чичко и Диосдадо и нејзината братучедка Асусена. Хуан Амадо, дедото на Росита, е исполнет со болка, заради смртта на својата ќерка. Тој се преместува во САД, за да се обиди да ја заборави маката, да го обнови својот живот и да помогне на своето семејство во Мексико. Хуан Амадо и Росита имаат еднаков белег, кој ги прави како наследници на големата тајна на мајскиот бог Ек Чуа, голем херој и бог на чоколадото. Тоа ги претвара во единствени познавачи на тајната на правењето добра чоколада. Кога Хуан оди во САД, тој работи како градинар во домот на Ен Ремингтон, богата актерка, либерална и вдовица. Двајцата се вљубуваат и се женат. Благодарение на техничките и волшебните познавања на Хуан за процесот на произведување чоколадо, тој создава фабрика, која ги спасува Ремингтонови од банкрот. После смртта на Ен, Хуан го наследува богатството, кое сам го спасил, и ќерка си Грејс Ремингтон, која отсекогаш го мразела. Таа се мажи многу млада, за да се оттргне од него, но бракот и се расипува и таа останува со малото дете Брус Ремингтон. Кога Хуан започнува да чувствува дека крајот му се ближи, тој ја запишува Росита како негова единствена наследничка и сака да му биде исполнета последната волја. Тоа ја разбеснува Грејс, која не е подготвена да го дели богатството со никого. Всушност, пред својата смрт, Хуан пристигнува во Чинчес Бравес за да и ги предаде на својата внука лекциите за подготвувањето на чоколадо. Го придружува и Брус, кој прави се што е можно да ја научи тајната на семејството Амадо. При првата средба на Брус и Росита, Брус е исплашен од нејзиното лице, а таа е поразена од неговата убавина. Со текот на времето всушност Брус ја открива нејзината вистинска убавина – добрината. Хуан се враќа повторно во САД но за не долго време тој умира. Кога Росита дознава за смртта на својот дедо, таа е потресена, но исто така знае, дека треба да му ја исполни последната желба, како што таа ветила. Росита пристигнува во САД и започнува да работи во фабрика за чоколадо. Не минува многу време и таа чувствува дека е лудо вљубена во Брус, но тој не и го посветува истото. И покрај тоа решен на се за да ја дознае тајната, се претставува дека е вљубен во неа. Таа му открива се и започнува да крои планови за идниот заеднички живот, но Брус ја остава, но веднаш после тоа си дава сметка, дека започнува да чувствува нешто кон неа, нешто силно, наречено љубов. Со скршено срце и без дом, Росита се согласува да се пријави во реално шоу, во кое се променува надворешниот изглед на кандидатките. После некое време таа се враќа со ново лице и под ново име – Виолета Ортадо. Таа ќе им се одмазди на сите, кои ја повредиле и и го претвориле животот во мака. Но ќе треба да се справи и пред тешка одлука – љубовта или омразата. Со враќањето, Росита го сложува почетокот на една приказна за интриги, трансформации, илузии, одмазди, љубов, разочарувања, и многу, многу чоколадо...

Улоги: Карлос Понсе, Генесис Родригез, Марија Антониета де лас Ниевес, Кристина Лилеј, Маурисио Окман, Котан Фернандес, Карла Монтро, Габриел Порас, Едуардо Серано.