CUANDO SEAS MIA, TV Azteca|2001/02

Кога ќе бидеш моја е најпопуларната теленовела произведена од мексиканската продукција Ацтека и е римејк на популарната колумбиска серија Кафе со вкус на жена. Палома стана мегапопуларна теленовела во Мексико со гледаност од 32%, а неверојатна гледаност достигна и во Македонија во времето кога се прикажуваше на А1 Телевизија.


Кога ќе бидеш моја - Cuando seas mia
Земја на потеклo: Мексико
Година: 2001/02
Број на епизоди: 238

Тереза Хернандез, која сите ја викаат Палома, е млада берачка која патува по земјата заедно со нејзината мајка Соледад, како би се издржувале. За да го надмине заморот oд рботата, Палома повеќе време минува читајќи книги, замислувајќи кога ќе дојде денот кога ќе го запознае идеалниот маж. Секоја година со мајка и се враќаат да собираат кафе на хациендата "Каса Бланка", во сопственост на дон Лоренцо, патријархот на фамилијата Санчез Самбрано, најбогатато семејство во крајот и сопственици на обработка и производство на кафе. На почетокот на приказната, дон Лоренцо знае дека му се ближи крајот и доаѓа на хациендата со старата сопруга доња Инес, како би ги поминал последните денови на земјата која толку ја сака. Кога дон Лоренцо умира, неговата фамилија се собира на погребот, неговите синови, снаи, внуци. Неговите внуци, Диего, Фабијан и Дијана доаѓаат од Лондон каде студираат, додека Даниела и Бернардо доаѓаат од Њујорк. Братучедите Диего и Фабијан пораснале како браќа, но пораката на дедо им кај Фабијан буди амбиција, бидејќи наследството на дедо му ќе достигне во рацете на оној кој ќе добие прв син. Фабијан е уверен како богатството ќе му припадне нему ако се ожени со Барбара и добие син, а единствена пречка му претставува Диего чија судбина се менува откако ќе ја запознае Палома на имотот на неговиот дедо. На запознавањето, Диего и Палома чуствуваат значење на прва љубов; нивните тела се спојуваат и двајцата доживуваат страстна ноќ. Диего и ветува на Палома дека ќе се ожени со неа кога за една година ќе се врати од докторатот од Лондон. После некое време, Палома дознава дека е бремена. Заради својата наивност, одлучна сепак да тргне на пат кон Англија и да го најде Диего. Со превара, фотограф од нејзиното соседство и ветува дека ќе ја однесе во Лондон, но Палома паѓа во бело робје која ја одведува во Париз, во еден бордел. Убавата девојка побегнува од светот на борделот во потрага по човекот кој го сака. Сама, без познавање на јазикот, само со една вера во големата љубов, сепак се враќа во Мексико како би ја пронашла љубовта која одамна ја остави; животот полн со разочарувања и бол, животот во големиот град, каде владеат амбицијата, бесот, лагата, животот во која таа ќе мора да се претвори во силна и цврста жена, и да заборави на она срце кое беше полно со невиност и надеж пред заминувањето. Но, сепак се враќа во Мексико каде ја чека поголема болка и горчина. Пристигнува на хациендата, но таму Диего се жени за друга. Тоа е убавата и амбициозна Беренисе, која во текот на целата серија ќе биде љубоморна на сопругот, знаејќи дека една Палома со години живее во неговото срце. Палома се вработува во компанијата на семејството како секретарката Елена Оливарес, но никој освен Диего не знае дека таа е големата љубов на Диего. Беренисе, Барбара (сопругата на Фабијан), Анхела (мајката на Фабијан) и Дијана (сестрата на Диего) се здружуваат против Палома со цел да не дозволат на било кој начин кафеберачката да дојде во семејството. Против евентуалната врска на Диего со Палома застанува и Фабијан кој ќе се служи со сите валкани средства за да го уништи братучедот и да го добие семејниот имот и компанија... Следува тешка битка на Палома за да се одбрани од моќното семејство Санчез Самбрано, кои на ваков или онаков начин сакаат да го добијат наследството....

Улоги: Силвија Наваро, Серхио Басањез, Анет Мишел, Родриго Абед, Марта Кристијана, Хуан Пабло Медина, Лијана Фокс, Евангелина Елизондо, Лаура Падиља