Од денес за утре, Сител | 2010

„Од денес за утре“ е насловот на новата
македонска играна серија којашто во продукција на „Идеја плус

комуникации“ и Сител телевизија ќе почне да се снима во почетокот на
мај, а премиерно ќе биде прикажана на таа телевизија во септември
годинава.

Серијата обработува тематика од секојдневниот живот на просечно семејство од средната класа составено од неколку генерации кои живет под еден
покрив. Играната серија ќе се обиде да ги прикаже од духовитата страна
на животот проблемите и предизвиците со кои се соочува семејството во
секојдневието.


Режисер на серијата е Иво Лауренчиќ, сценариото е на Братислав Димитров и Предраг Перишиќ, а музиката е на Ристо Самарџиев.


Според режисерот Лауренчиќ, целта е да се направи
квалитетна македонска хумористична серија која, како што вели, треба да
биде на европско ниво.

- Ги изанализиравме работите и видовме дека овој
жанр не е работен во последно време и решивме да пробаме да направиме
производ кој не би бил квалитетен само за Македонија, туку би ги
поминал македонските граници, односно серијата да се прикажува и во
Хрватска, Србија, Бугарија... Ова идеја е пионерски потфат бидејќи
воопшто не е лесно да се пристапи кон продукција на ТВ-серија, рече
Лауренчиќ.

Перишиќ, кој се смета за еден од врвните
комедиографи на овие простори, истакна дека досега испишал 600-ини
страници текст за вкупно 13 епизоди на серијата и верува дека вложениот
труд ќе вроди со резултат, а веќе пристапил кон пишување и на нови 13
епизоди од серијалот.

- Хуморот е универзален речник. Тој е најразбирлив
и најприфатлив секаде во светот, а семејните проблеми се слични секаде
и затоа верувам дека игранава серија ќе биде разбирлива секаде, рече
Перишиќ.

Димитров, пак, кој е исто така автор на сценариото
за ТВ-серијата, вели дека се обидел на серијата да и го даде колку што
е можно повеќе нашиот македонски колорит, имајќи предвид дека темата е
универзална и е заедничка за сите т.н. посткомунистички земји кои
минуваат низ непопуларно наречениот транзициски период.

Самарџиев, уредник во Телевизија Сител и автор на
носечката тема во ТВ-серијата, подвлече дека оваа ТВ-серија е еден од
најголемите проекти на Телевизија Сител. Сите се надеваат дека „Од
денес за утре“ ќе поттикне и други ТВ-куќи да придонесат да се врати
телевизиската продукција во Македонија и да се отвори простор
за творештво на нови млади автори.

Филип Петрески од „Идеја плус комуникации“ посочи
дека комерцијалната страна не била приоритетна за да се пристапи кон
проектот, туку квалитетот на производот и неговата добра промоција.

Серијата ќе почне да се снима на 1 мај во студио
во Скопје, а дел и на локации низ Македонија. Премиерно ќе биде
прикажана на 15 септември на програмата на ТВ Сител. Актерската екипа
која се уште не е докомплетирана ја сочинуваат десетина поважни ликови,
а Билјана Беличанец Арсиќ и Сенко Велинов се дел од актерската екипа.

Лауренчиќ како дел од авторската екипа „Од денес
за утре“ во своето богато творештво има реализирано преку 40 играни
филмови и ТВ-серии, меѓу кои и ТВ-серијата од 1.030 епизоди „Говорете
македонски“ и кампањата за зачувување на македонската кирилица „Додека
пишувам кирилица постојам“.

Познатиот драмски писател и филмски сценарист од
Белград Перишиќ е познат по култните филмови „Работа на одредено
време“, „Татко на одредено време“, „Не е лесно со мажите“ и други, а за
своите дела наградуван е на многу домашни и странски фестивали.

Димитров, пак, е познат македонски писател,
драматург, сценарист и колумнист. Автор е на осум драми и на една
монодрама, како и на ТВ-серии „Салон Хармони“, „Обични луѓе“ и „Томе од
бензинската пумпа“, а има режирано и две претстави.

Ристо Самарџиев работи музика за ТВ-серија

Неколкукратен макфестовски шампион, актуелниот вицешампион на националниот Евросонг (заедно со Владимир Дојчиновски) и добитник на еден куп други музички награди – Ристо Самарџиев, е во нова мисија.

Еве за што станува збор: Ристо е дел од креативниот тим, кој ја подготвува телевизиската серија Од денес за утре, која наскоро ќе почне да се реализира, а која во 13 епизоди ќе започне да се емитува на ТВ Сител веќе оваа есен.

Веднаш кога го прочитав сценариото ми се јавија еден куп идеи за мошне интересна музика за најавна шпица, сцени и секако сонг, по кој ќе биде препознатлива серијата – вели за МММ Ристо Самарџиев.

Сценариото Од денес за утре го напиша легендарниот српски сценарист Предраг Перишиќ, познат по серијалот Образ уз образ, циклусот: На одредено време, филмот Не е лесно со мажите, Љубовен живот на Будимир Трајковиќ..., на кого во работата му помогна нашиот најдобар драматург Братислав Димитров.

Оваа ТВ-серија, која ќе почне да се снима на први мај, ќе ја режира Иво Лауренчиќ, првиот човек на маркетинг-агенцијата Идеа Плус, кој важи за врвен познавач на адвертајзингот, режисер на театарската претстава Кутрите мали хрчки, документарниот филм Ден во Македонија, едукативниот серијал Говорете македонски...

Екипа составена од врвни професионалци уверува дека конечно, по многу време, Македонија ќе добие ТВ-серија која ќе ги постави стандардите за тоа како треба да изгледаат модерните телевизиски серијали во овој милениум...

„Од денес за утре“, нова македонска ТВ серија
Претставена е актерската екипа за новата играна серија во Македонија, „Од денес за утре“

Македонските актери Билјана Беличанец-Алкесиќ, Сенко Велинов, Ленче Делова, Диме Илиев, Ѕвезда Ангеловска, Митко Апостоловски, Јовица Михајловски, Јасмина Поповска, Ана Стојановска, Влатко Илиевски, младиот ИТ-експерт Марко Чаласан и гостинката од Кина Шуинг Донг, е актерскиот тим што ќе игра во новата македонска играна серија „Од денес за утре“ што во продукција на „Идеја плус комуникации“ и Сител телевизија ќе почне да се снима во почетокот на мај.

Специјални гости во серијата ќе бидат Бата Живоиновиќ, Бранко Ѓорчев и Александар Микиќ.

Режисер е Иво Лауренчиќ, сценариото е на Братислав Димитров и Предраг Перишиќ, а музиката е на Ристо Самарџиев. За сценографијата е задолжена Снежана Поњавиќ Муча, додека костимите се на Розе Трајчевска.

Лауренчиќ на денешната прес-конференција на која беа промовирани имињата на актерката екипа изрази благодарност до тимот што ќе работи со него и за поддршката на телевизија Сител со надеж дека ќе бидат горди за направената серија.

Беличанец-Алкесиќ, која ќе се појави во улогата на Цветанка изрази надеж дека со серијата ќе се поттикнат и останатите продукции да влезат во едно, како што го нарече, телевизиско патување, каде на актерите во Македонија ќе им се даде шанска да ги покажат своите квалитети и земјата да создаде свои телевизиски ѕвезди.

Серијата обработува тематика од секојдневниот живот на просечно семејство од средната класа составено од неколку генерации кои живет под еден покрив. Играната серија ќе се обиде да ги прикаже од духовитата страна на животот проблемите и предизвиците со кои се соочува семејството во секојдневието.

По направените анализи, според Лауренчиќ, решиле да пробаат да направат производ кој не би бил квалитетен само за Македонија, туку би ги поминал македонските граници, односно серијата да се прикажува и во Хрватска, Србија, Бугарија...

Перишиќ, кој се смета за еден од врвните комедиографи на овие простори, вели дека досега испишал текст за вкупно 13 епизоди на серијата и верува дека вложениот труд ќе вроди со резултат.

Хуморот е универзален речник. Тој е најразбирлив и најприфатлив секаде во светот, а семејните проблеми се слични секаде, смета Перишиќ, изразувајќи уверување дека серијата ќе биде разбирлива секаде.

Серијата ќе почне да се снима на 1 мај во студио во Скопје, а дел и на локации низ Македонија. Премиерно треба да биде прикажана на 15 септември на програмата на ТВ Сител.

Лауренчиќ како дел од авторската екипа „Од денес за утре“ во своето богато творештво има реализирано преку 40 играни филмови и ТВ-серии, меѓу кои и ТВ-серијата од 1.030 епизоди „Говорете македонски“ и кампањата за зачувување на македонската кирилица „Додека пишувам кирилица постојам“.

Познатиот драмски писател и филмски сценарист од Белград Перишиќ е познат по култните филмови „Работа на одредено време“, „Татко на одредено време“, „Не е лесно со мажите“ и други, а за своите дела наградуван е на многу домашни и странски фестивали.

Димитров, пак, е познат македонски писател, драматург, сценарист и колумнист. Автор е на осум драми и на една монодрама, како и на ТВ-серии „Салон Хармони“, „Обични луѓе“ и „Томе од бензинската пумпа“, а има режирано и две претстави.