HOMBRES DE HONOR, Pol-ka|2005

Машка чест е аргентинска политичка драма од продукцијата на Пол-ка која кај нас се прикажуваше во утринскиот термин на најгледаната А1 Телевизија. Серијата е продуцирана од Paula Granica, Carlos Marquez и Jorge Bechara, а се одликува со неверојатна глума, одлични актерски имиња и неверојатни заплети и расплети.
Напишана е од Marcela Guerty и Marcos Carnevale - авторите на мегапопуларната "Отец Корахе" од каде што некои актери се појавуваат и тука. Во центарот на приказната се наоѓаат две мафијашки фамилии и токму мафијата и сите настани поврзани со тој темен свет на убиства, криминал и предавства се темата на оваа посебна и интересна новела.

Hombres de Honor - Машка чест
Број на епизоди: 152


Убиват заради предавство. Прават бизниси од амбиција. За љубовта се спремни на се. Тоа се двете фамилии – Онорато и Патерностра кои ги заложуваат животите на чесноста.
Дејството се одвива во бурниот Буенос Аирес во 40-те години од 20ти век. Помеѓу политичките и економските бури, семејствата се поврзани со коцкањето, проституацијата и криумчарењето и меѓу нив постои големо ривалство кое е причина за сите лоши работи кои се резултат на таа омраза и желба за одмазда. Нивните првородени деца Лука Онорато и Марија Патер Ностра се вљубени веќе долго време. Силното чувство, кое ги поврзува, згаснува кога Лука е обвинет за неправда, дека го убил чичко и на Марија и затоа е пратен во затвор, а Марија, макар што секогаш го сметала за невин се прашува дали да стави крај на таа љубов. Доаѓа моментот кога Лука повторно е на слобода. Но, тие пет години кои што ги поминал во затвор послужиле нивната љубов да згасне за момент. Нејзиниот татко - моќниот мафијаш дон Карло ја принудува Марија да се сврши за Силвио – неговата десна рака, но љубовта на Марија кон Лука е онаа вистинската која и по толку години не умрела. Марија не смее да му се спротистави на нејзиниот татко кој ја тера да се омажи за идниот сопруг и дозволува татко и да ја решава нејзината судбина.
Откако Лука ќе излезе од затвор, Карло Патер Ностра дознава дека убиецот на брат му не е Лука, туку Лоренсо Онорато - главата на фамилијата Онорато и татко на Лука. Затоа Карло наредува да се убие дон Лоренсо Онорато и со тоа соперништвото меѓу двете фамилии кулминира во голема војна. Заедно со мајка си и браќата, Лука формира мафија Онорато, која ќе војува безмилосно против својот непријател - фамилијата Патерностра.
Од страната на Онорато во таа војна се вклучени вдовицата Алберта Онорато, сегашен шеф на фамилијата заедно со нејзините синови и пријатели. Од другата страна се наоѓа дон Карло Патерностра, шеф на другата фамилија, кој има две деца од првиот брак (Марија и Сиро), а сега се жени со младата и опасна Моника која доаѓа да живее во неговата куќа заедно со нејзината злобна и амбициозна мајка Кармела.
Во таа горчлива и крвава борба за пари, власт и чест, Лука и Марија се осудени да живеат преку ѕид на вековна омраза и забранети страсти, каде безбројните заплети кои мораат да бидат совладани, ќе ја зацврстат нивната вистинска љубов, изгасната пред неколку години.

Улоги: Leonor Benedetto, Gabriel Corrado, Juan Manuel Gil Navarro, Laura Novoa, Selva Aleman, Virginia Innocenti, Gerardo Romano, Alejandro Awada