Последен гледан филм со кратка рецензија

Го гледаше? Сакам и јас.

Chris напиша:

Го гледаше? Сакам и јас.

Да, да. :)
П.С. Само предупреди дека има спојлери ако го ставаш. ;)

Инаку според мене ова е најслабиот филм на Милчо досега... :(

Зошто таков впечаток, јас очекувам многу од ова, се надевам нема да се разочарам.

А за постов нема потреба да ставам спојлери, ти веќе ги имаш ставено.

Еден мој познаник бил во саботата и беше воодушевен. Ќе видиме во текот на наредниве недели, баш ме интересира. Патем, ќе си направам и Милчо маратон, таман ќе го изгледам за прв пат и 'Прашина'

Двајца мои другари го гледале во неделата и ми рекоа дека филмот вреди да се погледне само зошто е македонски, ради љубопитност. Дека е преслабо направен и дека благоречено е бесмислен. Сепак, не судам додека не го изгледам, но сигурно не во кино, има други филмови за кои би платил карта, за ова не би. Да живее пиратерија.

LucasScott напиша:

Двајца мои другари го гледале во неделата и ми рекоа дека филмот вреди да се погледне само зошто е македонски, ради љубопитност. Дека е преслабо направен и дека благоречено е бесмислен. Сепак, не судам додека не го изгледам, но сигурно не во кино, има други филмови за кои би платил карта, за ова не би. Да живее пиратерија.

Ќе со дочекаш Јовица, Милчо дури јуни 2011 најави ДВД издание

За мене овој филм вреди во кино, и ќе го гледам . И не би сакал да живее филмската пиратерија на нови филмови, сакам да се изградат кино комплекси со најнови светски премиери, да не мора новите филмови да ги симнуваме, поубав филинг е во кино

Bobi напиша:

Ќе со дочекаш Јовица, Милчо дури јуни 2011 најави ДВД издание

A ми се брза некаде?

Ја уште одкако го видов трејлерот сфатив дека за ова не одам во кино. Па и на Нолан да е филм не би гледал нешто ако не ме влече.

од изгледаните 'Пред дождот' и 'Сенки', Прашина дефинитивно го означувам како најслаб, и се надевам дека 'Мајки' ќе ме изненаде позитивно, а знам дека ќе биде така, затоа што ова некако ми беше на некој начин поглупо, можеби ради тоа што македонски режисер прави филм со 80% американски глумци и англиски јазик, и доста малце македонски јазик, иако скоро половина од дејството е сместено на Македонската територија и приказната за Турското робство, и доаѓањето на двата браќа од Дивиот Запад, кој ќе се борат за освојување на една девојка, т.е за нејзин опстанок во дивиот свет помеѓу Турците.

Предобар крај морам да напоменам, предобра музика, и предобри локации. За режијата нема потреба да коментирам дека Милчо си е докажан веќе. Сепак не е лошо филмчето, не ни очекував повеќе, со право овој филм сум го заборавил дека постои. :)

Јас овие денови, пред да го гледам „Мајки“ (се надевам наскоро ќе одам :) ), си ги репризирав сите три филма на Манчевски и многу ми е мило што вака наеднаш се потсетив на сите три и од една друга гледна точка од онаа кога ги гледаш поединечно. Не ми се коментира поединечно за секој филм, но само морам да си поправам еден пристрасен став што го искажав после гледањето на „Сенки“ - дека тоа му е најдобар филм. Никако.
„Пред дождот“, како негов прв филм, му е најгенијален без дискусија! Поголема грешка досега не сум направил. :) „Прашина“ и „Сенки“ се може посилни од продукциски аспект, баш тоа и ме воодушеви кај „Сенки“ особено, ама како „Пред дождот“... Се надевам и „Мајки“ ќе ми се допадне, макар и не колку првиот.

Requiem for a dream

Ништо добро не ти носи дрогата,и нема бегање од неа. Одлично направен реален филм.

Paranormal Activity 2

После големото разочарување од првиот дел,сепак направив друшто на другарка ми (која беше изненадена од првиот) и отидов во кино да го глеам филмов. Дефинитивно,еден од подобрите хорори во 2010. Беше со повише ликови од првиот,беше посодржаен и многу поинтересен и возбудлив. Киното си го направи своето.Тие ефекти што таму ги доживуваш,не можат да се доволат дома. Врискањето на глупите канадски тинејџерки кои пред време се плашат,уште повозбудлива атмосфера прави.
Ме изненади позитивно,а ептен бев скептична

Saw 3D - The Final Chapter

Ептен добар завршеток на сагата. Тие што ја следеле,мора да го гледаат и овој дел. Малку беше вештачки напраен али закон крај.

Стигна и тој момент. Го изгледавме и 'Социјална мрежа' . Без размислување би рекол заедно со 'Shutter Island' и 'Inception' би ги рекол филмови кои успееја најмногу да ме воодушеват оваа година во секој поглед од филмот. Иако сите три се комплетно различни, од приказна па се‘ до глума и ликови, ниту еден не можам да одвојам како најдобар, сите ми се на иста рамнина и сите си имаат посебен шмек во различен поглед од филмот.

Од каде да почнам со овој филм?! Дијалозите го поминаа секое ниво, значи предобро одбрани, одлично изглумени од страна на Џеси Аисенберг, за кој мислам дека е еден од најдобрите талентирани млади глумци кои допрва ги чека уште поголема слава. Воедно и не можеле подобар глумец од овој да најдат за улогата на Марк. Типот е претставен како одличен хакер и интелектуалец, има многу знаења и зборува пребрзо (затоа и чекав превод, не ми се гледаше нешто кога нема да разберам што зборува ).

Рони Мара исто беше фантастична во улогата на Ерика, иако не ја имаше баш многу во филмот, почетните сцени одлично излегоа (едвај чекам да ја видам како Лисбет Саландер во Девојката со тетоважа на змеј ).

Музиката и предобро режираните сцени

Ова ми една од подобрите режирани сцени и каде што музиката дефинитивно освојува




п.с академијата ќе згреши ако не го награди со Оскар номинација или евентуално награда

Devil


Изненадувачки добар филм. Ќе мора да го гледам повторно на добра снимка. Очекував дека ќе биде клише хорор, ама содржински и суштински е навистина богат, со оглед на тоа што има откритија кои едноставно ќе ве остават со подзината уста, без притоа да изгледаат meh...

И да, приказната е целосна, ако се занемари фактот што ѓаволот не е објаснет како појава (што според мене е позитивна работа, ако се фокусираа на објаснување на овој феномен, сигурен сум дека ќе останев разочаран - сите имаме различни размислувања за ЃАВОЛОТ, токму тоа и го потенцира самиот филм)...

8/10

StreetDance



Sega samo sto go gledav mnogu mi se dopadna moja otcenka za nego 9/10

Ever after

Го гледав пред некој ден на Мтв. Класичната приказна за Пепелашка со повеќе пресврти во секолку случај интересно. Анџелика Хјустон - одлична во улогата на лошата маќеа

6/10

-коментар наскоро во неговата тема.

The Social Network



Добар филм! Ме држеше љубопитен од почеток до крај. Единствена замерка е тоа што не знаеме колку од работите се точни, но во секој случај, препорака за сите. :)

Еве и целосна „критика“ на мојот блог. (Крис, стави го и на ТВ Пакет ако сакаш)

8/10 (да не беа сомнежите дека дел од работите се измислени ќе му дадев деветка!) :)

Fool's Gold



Веќе видено,но сепак интересно за да помине досада.

Morning Glory

Релаксирачка драма/комедија која ке ти задржи вниманието за време на филмот. Рејчел МекАдамс
Беки е продукцентка на утринска програма која е скарана со рејтинзите. Во шоуто,ке го доведе Мајк,стар,искусен презентер,но најголем намќор кој никој не може да го поднесе. Во текот на работата,ке го промени и ке научи доста работи од него.
Саундтракот беше одличен

Ептен го очекувам тој филм, а види, нема многу добра реклама, нема многу јака промоција, скоро и да не се знаеше многу за филмот, ама сепак внатре во него се крие доста добра романтична комедија, почувствував уште по трејлерот!

Едвај чекам

Одлично смислен филм. Предобар напнат трилер кој не ти дава да трепниш додека не дојде крајто и додека не го дознаеш победникот. . Едноставна приказна, 80 минути, 8 прашања само 1 одговор. Поради тоа, сите осум кандидати, мораат да го положат испитот за да влезат во моќната компанија за која и тие не знаат многу информации. Но... листовите се празни.. нивните прашања ги нема, а сепак мора да го најдат одговорот. 8 кандидати, и 1 надгледувач во една просторија. Нивната имагинација е патот за откривање на одговорот... една грешка, еден излегува од трката...

уште еднаш докажано дека филмовите за кои прв пат сум слушнал, а излегле веќе... ме оставаат шокиран

Многу добра филмска екранизација, иако книгата во некои делови ми беше досадна, сепак филмот ради тоа што ги има најважните делови мислам дека е предобро склопен и предобро одглумен/режиран.

Лиам Нисон одлично се снајде во улогата на Жан Валжан, Ума Турман како Фантина, мислев дека ќе го дадат и нејзиното момче кое ја измами, ама тој дел беше прескокнат.

Како и да е, одлично филмче

Harry Potter and the Deathly Hallows: Part 1! Прво среќа што слушнав од ТВ Пакет дека ќе се емитува филмот во Рамстор и тоа паралелно со светот и веднаш отидов. Филмот беше добар, забавен, возбудлив. Не може да очекувате после 10 години ХП филмови дека некој ќе отиде во неповрат. НО, во главно овој дел се разликува од сите делови - тонот на филмот е многу повесел, покрај некои делови кои беа помрачни но сепак... Имаше доста добри реплики и во главно се покажа како достоен да опстои како посебен дел, а не како обид за повеќе пари ко што сите очекувавме. Глумата на триото е извонредна, не е чудо по некоја британска награда да земат. Се беше добро склопено и добро изглумено, ефектите беа одлични (со незабележливи недостатоци). Исто така глумата на некои да речам ветерани (за разлика од тирото) како Хелена Бонам Картер беше на одлично ниво. Само да ја гледаш како се смее е доволно.

Заклучок: филмот изобилува со мрачните сцени по кои серијалот е препознатлив, но во главно има посветол тон од останатите делови. Може да опстои како посебен дел (бидејќи нели овој и следниот се базирани на само една книга) што всушност е и одлично бидејќи овој дел совршено го подготвува гледачот пред грандиозното финале (барем се надеваме дека ќе биде грандиозно)!