PUEBLO CHICO, INFERNO GRANDE, Televisa|1997

Малиот град Инферно е мексиканска теленовела каде главната улога ја толкува познататa кралица на теленовелите - Вероника Кастро. Насловната нумера "Pena de Amor y Muerte" ја изведува Вероника Кастро, која воедно е сестра на режисерот на серијата - Хосе Алберто Кастро (Руби, Акапулко). Со голем успех приказната за пеколот во малиот град се прикажуваше и кај нас меѓу првите теленовели.


МАЛИОТ ГРАД ИНФЕРНО - PUEBLO CHICO, INFERNO GRANDE
Земја на потекло: Мексико
Година: 1997
Епизоди: 165


Сторијата започнува некаде на крајот на 19 век кога во градот Натхауцен се слави празникот на нивниот заштитник, Сан Луис. Дон Присилијано Руан е најбогат и највлијателен човек во тој град, има пет деца и има афера со сопствената снаа, а неговата најмлада ќерка Леонарда сака да ја омажи со богатиот старец Росендо. Но на денот на прославата на празникот, Леонарда го запознава сиромашниот Емилио, син на една кројачка и се вљубува во него. Истиот ден и сиромашната Магдалена Белтран, која живее со мајка и во тоа гратче го запознава продавачот Батан и двајцата се вљубуваат еден во друг. Батан ја бара Магдалена за жена, таа прифаќа, но еден ден Магдалена го наоѓа нејзиниот сакан Батан во кревет со сопствената мајка. Разочарана и предадена од најсаканите, Магдалена се оддава на проституција и решава да им се одмаздува на сите мажи, станува злобна и бескруполозна. Во меѓувреме, Леонарда Руан и Емилио Хименез ја одржуваат тајната романса, плашејќи се никој да не ги открие, се до денот кога татко и на Леонарда нема да реши да ја даде нејзината рака на богатиот старец Росендо. Против сопствена волја, Леонарда се мажи со Росендо, а разочаран од несреќната судбина, Емилио заминува во Америка. По неколку дена, стариот сопруг на Леонарда паѓа од коњ и умира, па така Леонарда станува богата вдовица. Таа решава да го поврати она што го изгубила, но веќе е доцна; нејзиниот сакан е во странство. По многу години, Леонарда живее на големата хациенда на нејзиниот покоен маж, но се чувствува осамена, без љубов, иако има многу додворувачи, меѓу кои и зобниот инспектор. Еден ден на нејзината хациенда таа го запознава младиот Џенаро Онки и решава да го вработи како работник на имотот. Наскоро таа сфаќа дека негува поинакви чувства кон него, се вљубува во многу помладиот Џенаро чие минато не и познато. Тој може да и биде син, но таа сепак одлучува да ризикува, се впушта во голема романса со Џенаро и повторно ги доживува младешките занеси на љубовната страст. Но со самото доаѓање на Џенаро во гратчето не се менува судбината само на Леонарда, туку и на многу девојки кои лудо се вљубуваат во дојденецот. Пред се, во него се вљубува Магдалена Белтран, попозната како Белтранеха која е сега сопственичка на најпознатиот бордел-место на неморал и страв. Во Џенаро се вљубува и младата Браулиа, ќерка единица на богато семсјтво, но и Индалесија, слугинката на Леонарда.
Така започнува несреќата на љубовта меѓу Леонарда и Џенаро... Против таа романса застанува целиот град кој ја осудува аферата на вдовицата со младиот работник, а најмногу нејзините сестри кои ќе се свртат против Леонарда. Нејзините сопернички почнуват со интриги и злосторства против Леонарда и нејзиниот имот. Но и Џенаро не може да одолее на страста на многуте жени кои го засакаа, некогаш е кај Белтранеха во борделот, некогаш спие и со слугинката Индалесија, а се впушта и во романса со богатата и мила Браулиа. Браулиа смртно се разболува, па нејзиното семјство го молат Џенаро да се ожени со неа. Џенаро се жени со Браулиа, ја напушта Леонарда, иако не го сака тоа, а Леонарда останува бремена од него. Во меѓувреме се појавува Емилио Хименез, младешката љубов на Леонарда, кој ја буди старата љубов и страст кај неа. Срцето на Леонарда до самиот крај ќе води војна со разумот и дилемите дали да го избере Емилио или Џенаро.


Улоги: Вероника Кастро, Хуан Солер, Гиљермо Капетиљо, Алма Делфина, Лилиа Арагон, Арасели Арамбула, Марта Аура, Моника Санчез, Енрике Роча, Кариме Лозано, Патрисија Рејес Спиндола

Имам една касета фрагменти од серијава од пред неколку години кога ја репризираа на мтм и би ги снимил на компјутер да имав поасална тв картичка, што и планирам наскоро да купам. Сегашнава ми е ужасна.

П.С. Стариве шпици на телевиса ме потсетуваат колку порано телевиса имаше убави шпици. Имаше единство на фонт, убави логоа и интересни сцени, нови, специјално снимани. На сегашниве, секое име е со различна големина, никаква еднаквост, циркус од бои и букви. Логоата им се ретко веќе инвентивни, се` некои стиснати грди букви... :( Се` упропастија, како ли успеаја.