Она што не го знаеш за...

Од денеска на форумов започнуваме со нов циклус наречен "Она што не го знаеш за...", тема која ќе опфаќа факти поврзани за реализацијата на популарните мексикански теленовели, кои низ годините наназад, оставија белег во светот.
Како за почеток ќе започнам со Марисол, новела која сите ја сакавме и ја гледавме, една од првите теленовели на Телевиса прикажана кај нас.

* Марисол е приказна креирана од писателката Инес Родена, адаптирана од Марсија дел Рио, серијата се најде под продуцентската палка на Хуан Осорио.На почетокот на 1996 година, на местото на популарната Марија од квартот, започна Марисол, која го означи камбекот на Ерика Буенфил, која делеше љубовна романса пред малиот екран со помладиот колега Едуардо Сантамариана, на кој пак ова му беше прва главна улога во кариерата.Во останатите улоги се појавија Енрике Алврез Феликс (нека почива во мир), Клаудиа Ислас, Серхио Басањез, Пилар Монтенегро, Арон Ернан, Ирма Лозано и многу други.Теленовелата бележа толку голем успех, што беше одлучено да се реализира и втор дел, со нова артистичка постава, покрај главните протагонисти.
* Хуан Осорио имал претстава во шпицата, Ерика Буенфил да шета низ поле на отворено и да собира сончогледи, но неговиот план пропаднал бидејки фатило големо невреме и морале шпицата да ја снимаат на затворено, во студио.
* Насловната нумера Por amarte која ја испеа младиот Енрике Иглесиас, забележа огромен хит, како во Мексико, така и низ цела Јужна Америка.
* Логото на серијата беше Marisol,con amor todo florece...
* За време на снимањето, младата актерка Паулина Ласарено, која во серијата ја глумеше сестрата на Хосе Андрес, почина во трагична сообраќајна несреќа.
* Ерика Буенфил и Едуардо Сантамарина имаа кратка романса за време на снимањето на серијата...
* Кариерата на Клаудија Ислас (Софија) започна глумејки покрај Енрике Алварес Феликс (Леонардо), кој почина од срцев удар само една недела одкако неговиот лик го погребаа во серијата.
* Во 2002 година, бразилската куќа SBT реализираше римејк на Марисол, со истиот наслов, кој бележа голем хит во Бразил.
* За време на војната во Босна и Херцеговина, војниците правеа паузи за да ја гледаат Марисол која таму беше преведена како "Вероника"
* Благодарение на Марисол, Ерика Буенфил достигна светска слава, промотивно ги посети Америка и Европа, а во Чиле беше прогласена за идол на нацијата.
* Шерлин (Кони од Corazones al limite) ја глумеше малата Пиохито, посвоената ќерка на Марисол, која се облекуваше како момче.Шерлин тогаш имаше само девет години.
* Марисол е римејк на теленовелата Marcha Nupcial oд 1977 година, во која главна улога имаше Алма Муриел (Исабел од Маријана во ноќта)

Како што ветив, денес во оваа рубрика, она што не го знаеш за Pasion de gavilanes...

* Pasion de gavilanes, е снимена на локации во Колумбија, во 2003 година и е римејк на мини серијата Las Aquas mansas (1994) оригинална приказна на популарниот писател Хулио Хименес (La viuda de Blanco, El Cuerpo del deseo, Amantes del desierto, Rauzan, Yo amo a Paquita Gallego).
* Иако првобитното сценарио е сместено во 40-тите години на 20-от век, продуцентот Уго Леон Ферер, одлучи новата адаптација да биде сместена во денешно време.
* Теленовелата има интернационален назив Hidden passion (Скриени страсти)
* Во Аргентина серијата го достигна врвот на својата популарност, а венчавката на Хуан и Норма ја следеа 29 % од популацијата која тој ден имала пуштено телевизија.
* Помеѓу трите протагонистки (Гаарсија, Клаус и Реј) за време на снимањето владеело напната атмосфера, луѓето зад камера велат дека се расправале и за најмали ситници.
* Aна Лусија Домингес која на почетокот од серијата се појави како Рут, оставила толку силен впечаток на продукцијата и публиката, што од неа било побарано подоцна во серијата да глуми друг лик, во случајов оној на Рут Урибе.
* Насловната нумера Fierra inqueta како и останатите нумери во серијата ги отпеа Ангела Марија Фореро, додека Зарик Леон (Росарио) само ја отвараше устата и пееше на плејбек во текот на серијата.
* Телевизиската куќа Реде Глобо во 2004-тата година судски побара да се прекине прикажувањето на Pasion de gavilanes од конкурентската тв куќа, бидејки истата серија беше закана за нивната мега гледана Senora do destino.
* Pasion de Gavilanes го надмина рекордот на најгледана серија во Колумбија на сите времиња и ја симна Betty, la fea од лидерската позиција.
* Серијата е продадена во повеќе од 40 земји и се смета за најголем успех на американската тв компанија Телемундо.
* Во првата верзија Aquas mansas, ликот на Франко Рејес беше убиен на половина серија, но во Pasion de gavilanes ликот на Мишел Браун (Франко) беше толку добро прифатен од публиката, што продуцентите се плашеа да го убијат и го оставија до самиот крај на прикажувањето.
* Со популарноста на серијата растеше и бројот на епизодите.Првобитно PDG требало да има 90 продолженија, па ја продолжиле на 120 за на крајот да заврши со 188 последна, прикажана епизода.